أحمد موسى يكشف خطة الإخوان لنشر الشائعات والأكاذيب (فيديو)

كتب - مصطفى جابر

قال الإعلامي أحمد موسى إن قنوات وصفحات جماعة الإخوان الإرهابية تعمل في هذه الأيام على ترويج الأكاذيب حول مصر، مشيرًا إلى  أن جماعة الإخوان تعمل على نشر الأكاذيب منذ عام 2011 حتى هذه الأيام. 

وأضاف "موسى"، خلال تقديمه لبرنامج "على مسؤوليتي"، والذي يعرض على شاشة "صدى البلد"، أن خطة جماعة الإخوان هي نشر الشائعات والأكاذيب بين المواطنين في المواصلات العامة. 

وتابع:"تنظيم الإخوان يعمل ليل ونهار، ما بيصدق أي فرصة عشان تخلي حضرتك قاعد مضايق، وتقول اية اللي بيحصل في مصر، واللي بيحصل متشفوش بعين التنظيم الارهابي، شوفه بعينك انت كمواطن مصري".

واستكمل:"اللي بيحاربنا النهارده عدو لا يقل خطرا عن العدو اللي حاربناه في 73 وانتصرنا عليه، بس العدو الاسرائيلي كنا شايفينه، لكن العدو دلوقتي ممكن يكون في شغلك وجنبك وبيركب معاك في التاسكي، ومتبقاش عارف ان ده عدو". 

وأضاف:"جماعة الإخوان الأيام دي طالقين الناس بتاعتهم يركبو في وسائل المواصلات وكل واحد يركب الميكروباص يقعد يكلم الناس ويرمي كلمه وهو ده شغل التنظيم، واللي يعمل كده امسكه".