عاجل
الجمعة 29 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي

هنا الزاهد من جنازة طلعت زكريا: "الناس بتحبك أوي"

هنا الزاهد من جنازة طلعت زكريا: "الناس بتحبك أوي"
هنا الزاهد من جنازة طلعت زكريا: "الناس بتحبك أوي"

كتب - محمد اسماعيل

حرصت الممثلة الشابة هنا الزاهد على الحضور إلى مسجد العمري بمنطقة كرموز بالإسكندرية، لتشييع جنازة الفنان الراحل طلعت زكريا، طليق والدتها شيرين المنزلاوي، وأداء الصلاة عليها قبل إتمام مراسم الدفن بمقابر أسرته.



وشاركت الزاهد جمهورها بصورة أثناء تشييع جنازة الفنان طلعت زكريا تظهر توافد عدد من الفنانين المصريين وجمهوره إلى الجنازة، وأرفقتها بتعليق قالت فيه: "يا حبيبي الناس بتحبك اوي. ارجو الدعاء لطلعت زكريا. إنا لله وإنا إليه راجعون. ربنا يرحمه ويغفر له يارب".

وكانت هنا الزاهد قد نعت طلعت زكريا، الذي رحل عن عالمنا عصر أمس الثلاثاء، بنشر آخر صورة جمعتها بالفنان الراحل خلال حفل عقد قرانها على الممثل أحمد فهمي في سبتمبر الماضي، عبر حسابها على موقع "إنستجرام"، وعلقت عليها بنعي مؤثر إذ قالت: "دي آخر صورة اتصورتها في كتب كتابي مع أبويا وحبيبي وسندي اللي كبرت معاه سنين.. أنا فتحت الصورة دي من بدري وعايزة اقولك أنك ربنا هيدخلك الجنة يا أطيب خلق الله أنت ربيت 3 بنات وكأنك أبوهم أكتر".

 

وتابعت بقولها: "أنا عايزة أقولك إني معرفتش كلمة بابا غير وأنا معاك، عمري ما قلت أصلًا تقريبًا بابا غير ليك، كنت بجري عليك أول معمل حاجة غلط عشان تدافع عني قدام ماما.. فاكرة أول بيض أومليت وقلتلي اعملي مطعم (بالهنا والشفا) وأديتني 100 جنيه عشان تشجعني أطبخ، كنت دايمًا تقولي إنتي هتبقي حاجة كبيرة وكنت بتشجعني كنت فخور بيا لما اتخرجت وعيطت اليوم ده".

 

واختتمت رسالتها المؤثرة قائلة: "أنا عمري ما حسيت إنك مش أبويا اللي مخلفني، أنا مش مصدقة إني مش هشوفك تاني وأقولك زازي يا زازي، نفسي ترجع وأقولك قد إيه إحنا بنحبك كلنا وأقولك أنك أعظم ممثل، أنا بحبك أوي ومكنتش أعرف إني بحبك أوي كده، هتوحشني يا أحن إنسان عرفته في حياتي، أرجو الدعاء".

 

تابع بوابة روزا اليوسف علي
جوجل نيوز