السيسي: الجيش يخوض حرب استنزاف في سيناء منذ 6 سنوات ولم يطلب تبرعات

كتب - سمر سيد

قال الرئيس عبد الفتاح السيسي، إن الجيش المصري الآن يخوض حرب استنزاف في سيناء، وفي نفس الوقت تقوم الدولة على البناء في كل حتة في مصر حتى تتقدم للأمام.

وأوضح الرئيس السيسي، خلال مشاركته في الندوة التثقيفية الـ31 للقوات المسلحة، أنه بعد حرب 67 كان المصريون يتبرعون لبناء الجيش، وكان الفنانون يقومون بعمل حفلات داخل وخارج مصر للمساهمة في إعادة بناء الجيش، وقال: "والدولة قالت لا صوت يعلو فوق صوت المعركة، عشان يوفروا للجيش معركة الكرامة واستعادة الأرض مرة تانية وعزتنا وكبريائنا بعد 67".

وتابع قائلا: "هما اتكلموا عن الاستنزاف، طب ما احنا بقالنا 6 سنين في سينا في حرب مع الإرهاب، مش ده استنزاف لقدرتنا، لما كل ده حد يحاول انه يشوهه أو يسيء له أمر لازم ننتبه لهم شوية، لا الجيش طلب تبرعات من المصريين لبناء قدراته، الجيش والدولة اتحركوا لبناء الدولة أثناء الاستنزاف اللي بيتم علينا، يعني حرب في سينا وبناء في كل حتة فيكي يا مصر عشان محدش يعطلنا او يعوق حركتنا والبلد تطلع لقدام".