الرئيس السيسي عن أزمة سد النهضة: إحنا دايما بنتعامل مع القضايا بهدوء وحكمة

كتبت - سمر سيد

قال الرئيس عبد الفتاح السيسي، إنه لو لم تكن ثورة يناير 2011 لتوصلنا إلى اتفاق قوي وسهل بشأن سد النهضة، موضحًا أن مصر في ذلك الوقت "اتكشف ظهرها وعرت كتفها".

وأوضح الرئيس السيسي، خلال كلمته بفعاليات الندوة التثقيفية الـ31 للقوات المسلحة، أنه عقب توليه المسؤولية عقد لقاء في مارس 2015 بين القيادة السودانية والإثيوبية في الخرطوم، وتم الاتفاق على اتفاق إطاري مكون من 10 نقاط أهمهم نقطتين، قائلًا: "الأولى أسلوب ملء الخزان وتشغيله في اطار ان هذا الأمر هو امر مهم جدا، عشان يولد كهربا لازم يكون في حجم معين من المياه، فاحنا عايزين نتفق ان ملء الخزان وتشغيله لا يضر ضرر بالغ بمصر، واتفقنا ان احنا اذا لم نتوصل واحتجنا يكون في وسيط رابع معانا عشان نوجد حل لهذا الموضوع وده المسار اللي متحركين فيه من ساعتها لدلوقتي".

وتابع قائلًا: "لازم اللي يحدد ده لجان فنية تقدر تقول حجم الضرر اللي ممكن مصر تتحمله وحجم المياه اللي ممكن نخزنها خلف السد وكام عدد السنين المطلوبة بواسطة اللجان الفنية من الدول الثلاثة، احنا مقدرناش نوصل لاتفاق خلال السنوات الماضية".

وأضاف الرئيس السيسي، إنه تابع خلال الفترة الماضية التعليقات على أزمة سد النهضة على موقع التواصل الاجتماعي "فيس بوك"، ووجد أن هناك مبالغة في ردود الأفعال قائلًا: "إحنا دايما بنتعامل مع القضايا بتوازن وهدوء وحكمة، القضية مبتتحلش كده بتتحل بالحوار والهدوء فابتدينا نقول طالما مش عارفين نوصل لحل نحكم طرف اخر".