رامي جمال يُصاب بهذا المرض ويهدده بالاعتزال
كتب - محمد اسماعيل
صدم الفنان رامي جمال متابعيه بإعلان إصابته بمرض البهاق، مشيرا إلى أنه يفكر في الاعتزال.
وقال جمال عبر حسابه بموقع تويتر: "الحمد لله الذي أحبني فابتلاني وأقدرني على الصبر.. من فترة ظهرت بقع بيضاء في جسمي، وبالكشف عرفت أنه مرض البهاق، وجربت أنواع علاج كتير ودكاترة كتير ومفيش فايدة".
وأضاف جمال: "رضيت وسلمت أمرى لله عشان عرفت إن الزعل بيزوده وكفاية شغلانتي وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللي بقى يقولي هتتعامل إزاي وأنت فنان واللي يخاف يسلم عليا واللي يسألني هو ده معدي".
وتابع رامي: "أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها، لدرجة خلت ناس تقولي شوف بيزنس تاني أعمله عشان الناس مش هتقبلك كده، وفكرت في كلامهم بصراحة".
وأنهى رامي جمال حديثه قائلا: "لقيت إن عندي حلين يا فعلا شكرا لحد كده على الشغلانة دي، رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة أن شكله غريب، والحمد لله على نعمة الأهل لأنهم الوحيدين اللي بيقبلوا الواحد زي ما هو".
جوجل نيوز
