رد فعل زوجة رامي جمال بعد مرضه

كتب - محمد اسماعيل

حرصت ناريمان، زوجة الفنان رامي جمال، على دعم زوجها عقب إعلان إصابته بمرض البهاق وتفكيره في الاعتزال.

وقالت زوجة رامي جمال خلال لقائها بأحد البرامج التليفزيونية: "عمري في حياتي ما كنت أتخيل إن ربنا يرزقني بزوج زيه وربنا يخليه ليا".

وكان رامي جمال قد صدم محبيه وكشف تفاصيل تجربته مع مرض البهاق، التي بدأت قبل نحو عام، ومحاولاته تفادي مخاوف الناس من المرض، وإخفاء أعراضه، كما بين ردود الفعل من جماهيره وأصدقائه حول المرض، والتي وصلت إلى تجنبه بسبب مخاوف من العدوى بالمرض.

وتحدث رامي جمال على حساباته على مواقع التواصل الاجتماعي، عن الخيارات التي اقترحها مقربون منه لتفادي صدمة الجماهير مما أصابه، وهي إما التعامل مع الأمر بشفافية وضرورة قبوله كما هو، أو اعتزال الغناء والبحث عن مهنة أخرى، على حد وصفه.

وكانت حالة كبيرة من الدعم والتضامن تلقها رامي جمال من الجمهور ومن المشاهير لدى إعلانه إصابته بالبهاق منذ أكثر من عام، وأبرزهم إليسا التي حرصت على دعمه مطالبة إياه بعدم اعتزال الفن بقولها: "ممنوع تغيب وممنوع يكون البهاق عذر لغيابك.. إنت بتقول ابتليت بالبهاق، بس مش سبب لتخاف وتغيب.. في ناس ابتلت بالكذب والخيانة والسرقة وما هزت، وجودك أساسي ومتل ما إنت بتقول، أصل الحكاية مش حكاية شكل.. حكاية روح".

كما ساند تامر حسني، رامي جمال برسالة، قال فيها: "إلى الفنان الكبير والصديق الحقيقي والمحترم رامي جمال.. يا حبيبي أنت فنان كبير ومحبوب وليك قيمتك وكل الناس بتحبك ومفيش حاجة هتعطلك عن نجاحك، وتعبك دا لا هو مؤذي ولا مُعدي وكل الناس جواها تعب في منه اللي ظاهر وفي منه اللي مش ظاهر، حتى لو كان تعب نفسي أو مادي".

وأضاف تامر: "كل شخص جواه وجع من حاجة معينة، المهم إننا نبص ونتعلم من اللي ظروفهم أصعب مننا ورغم كده عندهم صبر وبينجحوا في الاختبار وبيقولوا الحمد لله ومكملين وعندهم إرادة وبينجحوا أكتر من الأول".

وتابع حسني: "لازم تكمل نجاح يا رامي وشيل أي هلاوس من دماغك واوعى تخبي نفسك.. اللي بيحبك بيحبك لشخصك وفنك صدقني دي حاجة عادية يا رامي والله ملهاش أي تأثير لا عليك ولا على جمهورك بالعكس بقى أنت أكيد شايف الناس كلها طيبين إزاي، ونفسهم يفرحوك وبعدين افتكر إن مايكل چاكسون جاله نفس اللي جالك وبقى أسطورة مبتتكررش خالص وأنت فنان وعارف".

وأنهى تامر حسني حديثه بقوله: "أنا واثق إنك مؤمن وبتحمد ربنا وهتقوم وهتكمل وهفكرك قدام كل الناس اللي شايفة كلامي إنك هتنجح أكتر وأكتر وربنا هيكرمك أجمل كرم وهتشوف قريب بحبك يا رامي".