عاجل .. السيسي: البناء العشوائى تكلفته أكبر على الدولة.. و"مفيش تحد خطر على مصر إلا من داخل مصر"

كتب - بوابة روز اليوسف

قال الرئيس عبد الفتاح السيسي "كنت أتمنى أن نبلغ الناس بالبناء والتخطيط، والبناء العشوائي في الدولة المصرية تكلفته أكبر علينا في تصويبه وإصلاحه من أن نقوم بعمل تخطيط مستقر ونبنيه بشكل متكامل، لو قمت بعمل خط ضغط عالي محمل على أبراج له تكلفته غير تكلفة وضع الكابلات الأرضية، وإذا كنت فاكر الرقم اللى بتخانق عليه مع وزير الكهرباء الدكتور محمد شاكر، الدكتور شاكر عايز 25 أو 30 مليون جنيه في الكيلو وأكثر، 30 مليون جنيه يا دكتور مش كده ولا أكثر (الدكتور شاكر: أكثر، يعني عشر أضعاف الحاجة)".

وتابع الرئيس السيسي خلال افتتاح عدد من المشروعات القومية فى دمياط،  "خليني أقول بس الرقم للناس تسمعه، يعنى احنا الجهد الموجود ده اشتغل وخلاص، عندما، لما أنت بنيت بيتك تحت منه كان لازم أنا حماية لك ولأولادك ، لا، الجهد العالي له تأثير ضار على الصحة العامة، فأنت مش واخد بالك بتعمل إيه، في نفسك وفي أولادك، وفي الدولة)، أنا لازم أشيل الجهد ده من فوقك ومن فوق البيت، العشوائي، وأعمل كابل أرضي، والكابل الأرضي تكلفته اد ده عشرات المرات" .

واستطرد الرئيس السيسي يقول "صرفنا 3ر1 مليار، لأننا حملنا على عاتقنا كدولة حل هذه المسألة، ومطلوب 7ر1 أى "3 مليارات"، ولسه احنا شغالين، أقول الكلام ده على مستوى الكهرباء.. أما على مستوى الصرف الصحى، وعلى مستوى المياه، لو أنت النهاردة، في تخطيط متكامل شغالين به، للدولة والتخطيط دا منفذ وكلنا بنحترمه، الدولة بتحترمه والمواطن بيحترمه".

وقال الرئيس السيسي "نحن نلاحق البناء العشوائي وتصويب الأخطاء الناتجة عنه في الصرف الصحي وفي المياه وفي الكهرباء، وفي الغاز"، لافتا إلى أن هناك مناطق لا نستطيع أن ندخل فيها الغاز لأنها غير آمنة لدخول الغاز" .

ووجه السيسي كلامه إلى المصرييين والحكومة والإعلاميين قائلا : "لما بنتكلم بنتكلم علشان التحدي، شوف أنا كل مرة بكرر الكلام، مفيش تحد خطر على مصر إلا من داخل مصر، وأرجو أن تنظروا إلى المنطقة من حولكم، وعندما يتحرك الناس قادرين على أنهم يهدوا بلادهم، طيب أنت بتكرر، طيب هو في حاجة عندك، لا معنديش، وأنا هستنى لما يبقى عندي وأنبهكم، دا أنا هفضل أكرر وأكرر الموضوع ده حتى يصبح لدينا مناعة إن حد يخدنا يخلينا نهد بلدنا وندمرها، علشان أبقى أمام ربنا عملت اللي عليا مع الناس في مصر، وفهمتهم خطورة الضرر الذي ينتج عن أى تحرك".

وتابع الرئيس السيسي "الدولة تبذل جهدا جبارا لكى تحل مسائل ولنقنعكم يامصريين أن احنا بنتحرك بمعدلات، الناس كلها بتقول هو مستعجل كده ليه هو إنت كل ما تكلمنا تقول الكلام ده، كل مرة هتكلم سأكرره وأتمنى من كل المسئولين يكرروا علشان المناعة لشبابنا الصغير اللي عنده 16 و17 سنة، اللى كان عنده في 2011 و2012 و2013 عشر سنين النهاردة عنده 17 و18 سنة ماشفش وما يعرفش" .

وعقب الرئيس عبد الفتاح السيسي، على كلمة رئيس مجلس إدارة ميناء دمياط وليد عوض، قائلا "قلتم إن زمن الانتظار في ميناء دمياط من 70 ساعة إلى 80 ساعة، ما يعني الاستفادة من عشر ساعات.. هل من الممكن تقليل المدة، ولو كان ممكن ما هو المطلوب عمله، وكم تبلغ التكلفة ؟".

وأجاب رئيس مجلس إدارة الميناء بالقول إن الميناء يطبق نظام "الدخول الآني للسفن" ما يصطلح عليه "جاست إن تايم"، وقال إن جميع السفن لا تستطيع الدخول في وقت واحد، حيث إن ربان السفينة يدخل منطقة الانتظار ويقوم المرشد بالصعود على متنها.. وبالنسبة للسفن الموجود في المياه أو في منطقة الانتظار ولا تحتاج إلى أخذ عينة منها يتم إدخالها على الرصيف لتطبيق الإجراءات الجمركية بإدارة الصادرات والواردات.

وعقب الرئيس السيسي على رئيس مجلس إدارة الميناء، متسائلا "كم يبلغ المعدل العالمي لأفضل ميناء في العالم وكم سعة انتظار؟، ليرد رئيس ميناء دمياط قائلا إن هناك تفاوتا في معدلات وجود السفن بالميناء فهناك شهور يزداد معدل وجود السفن، وأخرى يقل هذا المعدل"، موضحا أن مدة الانتظار تتراوح ما بين سبعة أيام وأقل وقد تم خفض هذه المدة إلى 3 أيام.