آآه يابلد بيموت فيكى الولد
08:11 م - الإثنين 9 ديسمبر 2019
آآه يابلد بيموت فيكى الولد
بقلم - مشيرة محمود على عطية
آآه يا بلد بيموت فيكي الولد
وفيكي أم الشهيد زي الوتد
ماشية تزغرط وشايلة الكفن
شايفة ضناها بيندفن
مستغربة من قوتك يا أم الشهيد
بتزغرطي متأكدة إن ابنك سعيد
متأكدة إنه رايح على الجنة أكيد
ده صبر إيه يا أم الشهيد
آآه يا بلد فيكي أب بيقولك ولادي فداكي
ولادي أصلا عايشين علشان حماكي
أب بيعلم ولاده تحيا مصر بيعلمهم رضاكي
أب بيعلمهم يكونوا ضهرك يكونوا معاكي
آآه يا بلد فيكي ولادك طالبين الشهادة
مش خايفين من الموت كالعادة
بيضحوا بحياتهم بكل إرادة وسعادة
وطول ما فيكى أم وأب مبيعزوش عنك ولد
وبيربوا ضناهم يكون ليكى ضهر وسند
متخافيش إرهاب ده إيه اللى يخوفنا
ده الشهادة بتشرفك وتشرفنا
وبكرة أكيد ربنا هينصفك وينصفنا بقلم مشيرة محمود على عطية
تابع بوابة روزا اليوسف علي
جوجل نيوز
