عاجل.. السيسي: الإرهاب صناعة شيطانية وغطاء لتحقيق أهداف سياسية (فيديو)

كتبت - سمر سيد

قال الرئيس عبد الفتاح السيسي: إن الإرهاب صناعة شيطانية تستخدم أدواتها في الإنسان وتقدمه لتحقيق الأهداف، كما أنه غطاء لكثير من الأهداف التي تسعى بعض الدول لتحققها.

أوضح الرئيس السيسي، خلال كلمته بجلسة "التحديات الراهنة للسلم والأمن الدوليين" في منتدى شباب العالم الثالث بشرم الشيخ، أن أخطر ما في الإرهاب أنه استخدم الفكر والعقيدة لتحقيق أهداف ومصالح سياسية، وقال: "أنتو كشباب العالم محتاجين تبقوا عارفين وشايفين ده، طول ما في مصالح وطول ما في أهداف هتلاقيهم مش هيعدموا انهم يستخدموا ويبتكروا أدوات جديدة، والإرهاب ده أداة استخدمت لتحقيق أهداف سياسية".

وأشار السيسي، إلى تجربة الإرهاب في مصر قائلًا: "الموضوع ده استخدم في مصر منذ سنوات عديدة، لو أنا عايز أخلي دولة زي مصر مش مستقرة، عملية إرهابية أو عمليتين يوفقوا كل أنشطة السياحة في مصر، لما تقف نخسر 14 أو 15 مليار دولار واحنا مش دولة صناعية كبيرة ومواردنا محدودة، وبالتالي يدخل الدولة في أزمة كبيرة لمدة سنتين ولا تلاتة حتى يتم التعافي".

وتابع قائلًا: "اللي اقصده بده شوفوا ازاي أقدر أدمر دولة زي مصر، وأقدر اطوعها واخليها تنفذ الأوامر والتعليمات، مكانش حد يتصور أن الإرهاب في مصر ورا منه مطالب، لكن السياسيين اللي قاعدين وأجهزة المخابرات بتفهم الرسالة".