عاجل.. السيسي: مصر كانت ستصبح أكثر دمارًا من الدول الأخرى (فيديو)

كتب - سمر سيد

قال الرئيس عبد الفتاح السيسي، إن مصر كانت ستصبح أكثر دمارًا من الدول الأخرى– في إشارة منه إلى سوريا والعراق– وذلك لأن تعدادنا السكاني كبيرا جدًا، "فتصوروا شبابها اللي فوق الـ60 مليون بيتنازع مع بعضه الدولة هتبقى عاملة ازاي".

أوضح الرئيس السيسي، خلال كلمته بجلسة "التحديات الراهنة للسلم والأمن الدوليين" في منتدى شباب العالم الثالث بشرم الشيخ، أن في مصر لم يتم مواجهة الإرهاب فقط، ولكن كنا نسير على خطى تحقيق التنمية، قائلًا: "إحنا كنا عارفين إن الإرهاب جاي عشان يوقف التنمية في مصر، كان هناك كثير من الإعلاميين بيقولوا خلصوا على الإرهاب في مصر وبعدين ندخل في التنمية".

واستشهد السيسي بدولة العراق كنموذج، قائلًا: "العرق، وأنا اسف لو ذكرت الاسم، كانت بتواجه داعش خلال السنوات اللي فاتت، لكن يا ترى هل كانت مهتمية بالتنمية زي ما مشيت في مسار الحرب ضد الإرهاب؟ أتصور ده محصلش وبالتالي لما انتصروا على داعش شباب العرق قالوا فين إحنا وفين مستقبلنا مستحملش، فاتحرك ولما اتحرك كان طبيعي أنه عايز يغير من وضعه".

وتابع قائلًا: "لكن في مصر لما اتحركنا قلنا لا، حتى لو كانت ظروفنا الاقتصادية صعبة هنعمل على التنمية وكانت بنفس مستوى قتال الإرهاب، ما هو لازم أكون عارف بين حاجات الدولة وحاجات الفرد، حاجات الدولة استقرار، حاجات الفرد أن يشتغل ويعيش ويكون له بيت وأسرةـ، لو أنا معملتلوش كده يبقى فهمنا لمفهوم الأفراد منقوص".