عاجل
الجمعة 29 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي

سلاف فواخرجي عن قتيل فيلا نانسي عجرم: أتظلم كتير

سلاف فواخرجي عن قتيل فيلا نانسي عجرم: أتظلم كتير
سلاف فواخرجي عن قتيل فيلا نانسي عجرم: أتظلم كتير

كتب - محمد اسماعيل

دخلت الفنانة السورية سلاف فواخرجي، على خط السجال اللبناني السوري، بشأن مقتل شاب سوري في منزل الفنانة اللبنانية نانسي عجرم على يد زوجها الدكتور فادي الهاشم.



وبطبيعة الحال أعلنت الفنانة السورية تضامنها الكامل مع مواطنها، وقالت عبر حسابها بموقع إنستجرام: "القانون هو الفيصل، وفي ظالم وفي مظلوم، وفي عدالة ع الأرض ولو بنسب قليلة، وفي عدالة بالسما أكبر من كل النسب".

وتابعت: "كل الناس بتطلب رأي أو موقف من الفنان، والفنان جزء من المجتمع لازم يقول ويحكي أكيد، بس لما بتكون الأمور لسه ما اكتملت صورتها، ولما بتكون بإيدين القضاء، نحنا ما فينا نبت أو نعطي أحكام وقرارات ولا بيجوز نتدخل لانو الحقيقة بعدها ما وضحت والقضية شائكة جدا".

وأضافت سلاف: "لكل الناس اللي عم تطالبني بإبداء الرأي بالقضية وكأنو قراري هو الحكم، أو لمجرد إثبات موقف أو اللحاق بسبق السوشال ميديا (والقصة مو هيك واكبر من هيك): أنا بوقف جنب الإنسان المظلوم بغض النظر عن جنسيته، ما حدا بيقبل بالظلم لا الو ولا لغيره، وصحيح السوري انظلم من إخوته كتير، بس التعميم غلط، وبكل بلد في صالح وفي طالح، الجنسية متل الاسم مالو علاقة فيها البني ادم بتخلق معه، والعنصريين وين ما كانوا هم ناس مريضين".

وقالت فواخرجي: "بوقف مع ابن بلدي بالحق ولو كان بآخر ما عمّر الله، وكل نقطة دم منه هي من دمي. ولو نانسي ود. فادي مذنبين أكيد رح ياخدوا جزاءهم، بس الموضوع أكبر مننا ومن تقييمنا، وما حدا قدر يعرفه، لحد هلأ ع القليلة، والأكيد كمان انو هنن مو مجرمين بالأصل ولا ساديين، بس في شيء صار غلط وغير مقبول".

واستكملت الفنانة السورية بقولها: "أكيد هنن عيلة منيحة ما سمعنا عنهم كلام سيئ بيوم من الأيام، وعندهم عيلة وبنات، والفيديوهات اللي عم تنزل والأغاني والشماتة ما بتليق بإنسان تعرض لمصيبة بكل معنى الكلمة ولا بفنان بيوم من الأيام قدم سعادة للناس. مانو إله طبعا، وبيغلط وممكن يكون يتحول لمجرم بلحظة ما، بس مو باللحظة اللي وقع فيها نكون نحنا مجرمين".

واستطردت: "الله يرحم ابن بلدي ويصبر أهله وعيلته وولادو، وولاده متل ولادي وولادنا كلنا. وان شاء الله بيرجع حقه كإنسان وبيفك الظلم عنه، واللي صار معه حفر بقلوبنا ألم ووجع ما بيخلصوا، والرب وحده اللي بيقتص من الظالم عاجلا أو أجلا. اتركوا مناصب المحامين والقضاة وبعدوا عن كونكم أوصياء ع المجتمع، وكل واحد فينا عنده مية مشكلة ومية عيب، وكلنا معرضين بلحظة ما نكون مظلومين أو ظالمين، وأكيد في شيء ما حدا بيعرفه صار، واللي صار اكبر من فن وشهرة، في بيوت وفي أسرار وفي بشر".

وأنهت حديثها قائلة: "عنا ثقة بالقضاء اللبناني وعنا ثقة بالمحامين السوريين المهمين اللي استلموا القضية وبكل المحامين العرب اللي اتطوعوا لكشف الحقيقة وتضامنوا مع #محمد_الموسى والهم كل الاحترام والتقدير، وعنا ثقة قبل كل شيء بالله العادل والرحمن والرحيم وخلوا البشر بحالهم ولا يكونوا سلعة نسوقلها".

تابع بوابة روزا اليوسف علي
جوجل نيوز