حلا.. حبيبة.. مريم وسما.. حكاية صداقة وشغف في حب التجديف

في التجديف، الإيد لوحدها متسقفش، والمركب مش هتمشي من غير تناغم. وفي فريق التجديف بنادي المعادي واليخت، الرياضة خلقت حالة جميلة من الصداقة والأخوة؛ جمعت الأختين "مريم وسما عبد الناصر" مع أصحابهم "حلا وليد" و"حبيبة هاني".

التجديف بالنسبة لهم مش بس تمرين ومجهود بدني، ده شغف بيغير النفسية للأحسن، وتحدي بيعلمهم الإصرار والرغبة في الفوز، وصحبة بتهون أي تعب وتخلي الصحة والحياة أجمل بكثير. 

الضحكة والروح الحلوة دي كانت معاهم وهما في طريقهم النهارده للمشاركة في "البطولة الأهلية الثانية للتجديف" بالقاهرة، اللي بينظمها الاتحاد المصري للتجديف (برئاسة اللواء شريف القماطي).

البطولة بدأت النهارده وهتستمر لحد 4 أبريل، بمشاركة ضخمة بتضم حوالي 750 بطلا وبطلة من 9 أندية مصرية عريقة بيتنافسوا بكل حماس وشرف. 

كل التوفيق لبناتنا في نادي المعادي واليخت، ولكل المشاركين، دعواتكم ليهم بالتوفيق والميداليات الذهبية