الثلاثاء 2 يونيو 2020
رئيس مجلس الإدارة
عبد الصادق الشوربجي
رئيس التحرير
أيمن عبد المجيد

سارة نخلة تعلق على حبس طليقها أحمد عبد الله محمود

سارة نخلة تعلق على حبس طليقها أحمد عبد الله محمود
سارة نخلة تعلق على حبس طليقها أحمد عبد الله محمود

كتب - محمد اسماعيل

كتب ــ محمد إسماعيل



علقت الفنانة السورية سارة نخلة على الحكم الصادر ضد طليقها الفنان أحمد عبد الله محمود، بحبسه لمدة عامين، في الدعوى التي أقامتها ضده باتهامه بخيانة الأمانة.

وقالت الفنانة السورية، في منشور عبر حسابها بموقع فيس بوك: "اليوم يوم مميز بالنسبالي كنت مستنياه بقالي سنة بالتمام والكمال بالصبر والاتكال على ربنا، والحمد لله بعد عذاب وبفضل ربنا وفضل أستاذي وسندي المستشار عاصم قنديل المحترم حقي هايرجعلي وبحكم محكمة الحمد لله.. اليوم المحكمة حكمت لي الحمد لله وكسبت القضية بالرغم من انه جايب ناس تشهد زور وهما ولا شافوا ولا سمعوا حاجة بس ربنا شايف وعارف وأظهر الحق وفلوسي هاترجعلي بالقانون وبحكم محكمة".

وتابعت سارة نخلة: "أنا استحملت كتير كتير وناس كتير شاهدة وطول الوقت بقول مش عايزة محاكم ومش عايزة الموضوع يكبر، ولكن الطرف التاني هو المسؤول عن كل ده والراجل هو المسؤول في الآخر وعود كاذبة وتأجيل ومماطلة.. النهايات أخلاق وانا اتمرمطت وغلبت سنة كاملة على ذمة راجل لا عايز يطلقني ولا عايز يرحمني وكل شوية يعملي قضية جديدة هو ومامته".

وأشارت إلى فشل جهود الوساطة للعديد من الأطراف من بينهما: "ناس كتير تدخلت وأنا كبرت للناس كلها وسايرت كتير وناس كتير عارفين سارة صبرت قد إيه، سنة كاملة رايحة جاية وبقول حسبنا الله ونعم الوكيل... بقول الكلمتين دول عشان محدش يحاول يقولي يا سارة ليه كده ويا سارة خلينا نحل الموضوع بشكل ودي.. أنا غلبت يا جماعة سنة كاملة ولا يصح إلا الصحيح في الآخر".

واختتمت الفنانة السورية حديثها بقولها: "ما تتكسفيش تطالبي بحقك عشان إلى كلوا حقك عمرهم ما اتكسفوا وهم بيبلعوه.. البلد دي فيها قانون وفيها رجالة تهد جبال ولا يرضوا إن ست تتظلم رجالة بصحيح وقفوا معايا في أزمتي".