يسري نصرالله يكشف خناقة محمد رمضان وتدخل باسم سمرة

دخل المخرج يسري نصرالله، على خط الأزمة بين الفنان محمد رمضان والفنان باسم سمرة، على خلفية واقعة دفع باسم سمرة لرمضان بعنف لإزاحته عن طريقه في أحد الأفراح الشعبية بحسب فيديو تداوله رواد التواصل الاجتماعي على نطاق واسع.

وروى يسري نصرالله، واقعة شجار بين رمضان وأهالي منطقة نزلة السمان، خلال تصوير أحد أفلامه، وأن باسم سمرة هو تدخل وأنقذه من موت محقق على يد الأهالي.

وقال نصرالله في منشور عبر حسابه بموقع فيس بوك: "باسم سمرة بالإضافة لكونه ممثلًَا مدهشًا، أطيب وأجدع إنسان أعرفه، فيه حاجة واحدة ممكن تخليه (وتخلي أي واحد عنده سنة نخوة) يتعصب: إن حد يدوسله أو يدوس لحبايه علي طرف أو يتعامل معاه ومع حبايبه بعجرفة، باسم يعرف معنى الصداقة والأصول، ومحمد رمضان يعرف ده كويس قوي من يوم ما اشتبك أثناء تصوير فيلم في خناقة عنيفة مع ناس من نزلة السمان وإللي خلصه منها تحديدا باسم".

وتابع يسري نصرالله: "باسم في كل تعاملاتي معاه بيدي للدور كل مشاعره وكل انضباته. وكل إللي عملوا في أفلامي يعرفوا ده عنه... عمري ماشفت باسم بيتباهى باللي عنده وباللي ماعندوش. وعمري ما شفته بيفعص أو يأذي حد أقل منه. وف حواره مع عمرو أديب عجبتي جدا إنه يتكلم عن إزاي الصحافة والإعلام بيتجاهلوا شغل الممثلين وبيتلهفوا على الكلام عن خناقتهم. وعجبني دعوته لمحمد رمضان إنهم يعملوا فيلم روائي قصير من بطولتهم هما الإتنين. تحياتي لصديقي باسم سمرة".

وكان سمرة قد عبر عن استيائه من تعليق رمضان على واقعة دفعه له، حيث فسره رمضان بأّن باسم: "لم يكن في وعيه"، وقال بنبرة ساخرة: "لو كان في وعيه فإيدي الشمال جاهزة"، وهنا استغرب سمرة طريقة محمد رمضان في التعليق على الموضوع، قائلا: "أنا بحب رمضان بس الشيطان سايقه... أنا كنت محتضنه جداً وهو أخويه... بس ما اعرفش الهبل اللي بيقولو أي.. ما تصحا لنفسك يابني". ودعا باسم سمرة محمد رمضان لـ "تحدي تمثيل"، من خلال فيلم روائي قصير يجمعهما، ويحتكمان فيه إلى الجمهور، قائلاً: "انت بتقول ان أنت (نمبر ون).. أنا حوريك وخلي الحكم للجمهور...".