عاجل
الجمعة 29 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي

نجم سلة الأهلي يرد على أبناء النادي: الأحمر هو اللي عملكم

مودي الجارحي
مودي الجارحي

شن لاعب فريق كرة السلة بالنادي الأهلي، مودي الجارحي، هجوما عنيفا على نجوم القلعة الحمراء الذين خرجوا عبر بعض الفضائيات والمواقع ليهاجموا النادي وينتقدوه، خلال الأيام الماضية، بسبب أزمة مؤمن زكريا.



 

وكتب الجارحي، عبر حسابه الرسمي على موقع التواصل الاجتماعي "فيس بوك": "النادي الأهلي خيره علينا كلنا موضوع مش محتاج للنقاش أصلا، دي حاجة مفروغ منها، النادي بيديك شهرة وفلوس وحب الناس وكل حاجة حلوة يتمنهاها أي رياضي في مصر وفي إفريقيا وفي العرب".

 

 

 

أكمل: "النادي الأهلي حلم لأي رياضي يخش من بوابة النادي، جماهير النادي هي الوحيدة اللي خيرها عليه عشان الناس دي مش بتستفيد أي حاجة غير أنها بتحب النادي من قلبها و بس، وممكن يموتوا نفسهم عشان يشوفوا ناديهم بيكسب وبالعكس بيصرفوا من جيبهم عشان يروحوا ماتشات هما دول اللي بجد بيضحوا عشان الأهلي".

 

تابع : "النادي الأهلي حلم لأي رياضي يخوش من بوابة النادي، جماهير النادي هي الوحيدة اللي خيرها عليه عشان الناس دي مش بتستفيد أي حاجة غير أنها بتحب النادي من قلبها و بس، وممكن يموتوا نفسهم عشان يشوفوا ناديهم بيكسب وبالعكس بيصرفوا من جيبهم عشان يروحوا ماتشات هما دول اللي بجد بيضحوا عشان الأهلي".

 

وأضاف لاعب سلة الأحمر: "غير كده الكل بيستفيد من النادي الاهلي و طبعا في لعيبة كتير مخلصة و بتحب النادي من قلبها و ضحوا بحاجات كتير عشان يكونوا موجودين في النادي، بس في الأول والأخر اللاعب أو المدرب أو الموظف أو العامل أو المسؤول خيره عليهم كلهم، الحاجة المتأكد منها أن محدش هيخاف ولا هيحب ولا عايز مصلحة النادي أكتر من ولاده مع كامل احترامي للجميع، طبعا في استثنائات لعيبة بتيجي من برة النادي تحس أنهم متربيين جوا النادي زي أبو تريكة، بس دول حالات خاصة بييجوا كل فترة من الزمن، الأهلي فوق الجميع".

وكان حسام غالي نجم الأهلي السابق، نشر صورة مع مؤمن زكريا، عبر حسابه على إنستجرام، وعلق عليها: "مش عاجبني اللي بيحصل مع اللاعب".

تابع بوابة روزا اليوسف علي
جوجل نيوز