عاجل
الجمعة 29 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي

داليا مصطفى توجه رسالة للأطباء والحكومة والجيش

أشادت الممثلة داليا مصطفى بجهود الجيش الأبيض، ووجهت تحية لجهود الطواقم الطبية من أطباء وممرضين، في مواجهة فيروس كورونا المستجد.



 

كما أثنت داليا مصطفى على القوات المسلحة ورئيس الحكومة مصطفى مدبولي وأعضاء حكومته في أداء مهامهم وما حققوه خلال الفترة العصيبة التي يمر بها العالم، قائلة: "شكرا جدا للأطباء مصر وللحكومة المصرية والجيش المصري والتمريض العظيم".

 

وتابعت داليا مصطفى بقولها: "عايزة أشكر كل أطباء مصر على المجهود الرائع اللي هما بيعملوه وعايزة أشكر أداء الحكومة المبهر.. وعايزة أشكر الجيش المصري بتاعنا".

 

وأضافت مصطفى: "أنا شوفت فيديو إمبارح معمول الجيش بيقول هو بيعمل إيه.. هقول باختصار يكفي ان هو كل النوادي، الدور بتاعته عاملها لا قدر الله لو حصل أي تطورات في كورونا تكون مجهزة أن الناس تتنقل عليها.. عمل عربيات لإنتاج الخبز بمعدل كبير جدا 650 ألف رغيف في اليوم.. عمل ماسكات بمعدل 100 ألف ماسك في اليوم وعاوزين يوصلوا لـ5 مليون.. عمل بدل وقاية بمعدل 1000 بدلة وعلى أمل أن يكبروا العدد أكبر من كده".

 

واستكملت داليا مصطفى، قائلة: "عمل سيارات إسعاف فيهم عناية مركزة.. عمل طيارات أنه لو حصل حاجة ومحتاجين أنها تتنقل هتتنقل بسرعة بالطيارات.. عمل حاجات كتيرة لو قريتها هتبقى مدتها طويلة.. أنا عايزة أشكر الجيش المصري وأقوله إحنا في ضهرك وكل أطباء مصر، ولكل المصريين حسوا بقيمة أن أنت مصري".

 

وأردفت داليا مصطفى: "أنا مبسوطة جدا لأن أنا حاسة أن أداء حكومتنا دلوقتي يفوق أداء أي حكومة تانية وسعيدة جدا بيها وربنا معاكم ويوفقكم واللي جاي يبقي أحسن وبعدين المحنة دي على خير.. وارفع رأسك فوق أنت مصري".  

تابع بوابة روزا اليوسف علي
جوجل نيوز