عيش وملح وهزار (مشوار)
10:00 ص - الجمعة 12 يونيو 2020
بقلم: وسام صدفاوي
عملت لحياتي جدول
وقلت انساكي
كل يوم انقص يوم
وافوت ع الشارع اللي وراكي
ودايما مبالغ
وانا راكب ملاكي
وانا راكب تاكسي
وانا ماشي دوغري
وانا ماشي عكسي
وانا راكب ديزل
و انا بقرأ هيجل
وانا بغسل وشي الصبح
سامعك ف الميدان بتندهيني
نفسي انام جنب صوتك
علشان تحكيلي
نفسي اقابلك من غير حراس
ولا نفسي تيجي ف امسية
وتعزيني
تابع بوابة روزا اليوسف علي
جوجل نيوز
