عيش وملح وهزار (ع النيل)
10:00 ص - الجمعة 3 يوليو 2020
كتب
وسام صدفاوي
تعالي اشرب شاي
واسمع ناي
انا قاعد ع النيل
قلبي مصهلل طول الليل
وببتسم للمركب
وبغمز للجنية
وتقوللي يا صاحبي انا منسية
سهرانة من اول امبارح
و مفيش ولا انسان
والدنيا مابقيتش بالالوان
قلت اشوف طبيب
كان دخل الربيع
خلي قلبي يطيب
وبقيت سامع مزيكا
وصوت كروان
وقدامي بياع عجوز
بيوزع فل و ياسمين
والمطر بل قميصي الحزين
وعرايس فوق الرصيف
منتظرين النصيب
وانا خفت انام
و اعلق سري ف جناح الحمام
والطريق بدأ يتوه مني
و اتهديت
وبقيت ناسي عنوان البيت
تابع بوابة روزا اليوسف علي
جوجل نيوز
