عاجل
الجمعة 29 مارس 2024
رئيس مجلس الإدارة
هبة صادق
رئيس التحرير
أيمن عبد المجيد
اعلان we
البنك الاهلي

أسامة كمال للناخبين: "اعرف مصلحتك فين.. ومترجعش تشتكي للإعلام" 

أسامة كمال
أسامة كمال

قال الإعلامي أسامة كمال، تعليقًا على انطلاق المرحلة الأولى من انتخابات مجلس النواب، إن المواطن عليه مسؤولية معرفة «مصلحته فين وهينتخب مين وليه.. ومين يقدر يطرح القضايا بتاعته».



 

وأضاف خلال برنامجه «90 دقيقة» المذاع على شاشة «المحور»، أن ملايين الناخبين يخصهم الانتخابات البرلمانية بشكل مباشر، متابعًا: «لو لسة شايف نفسك صفر ع الشمال، ماحدش هينقلك لخانة الصفر ع اليمين».

 

وأكد أن المواطنين لا يجاملون الوطن بالمشاركة في الانتخابات، متابعًا: «لو عضو المجلس اللي فات ماعملكش حاجة، عاقبه وصوت ضده، لأن ساعتها حتى لو نجح ع الحركرك هيبقى زي أبو 50% مالوش عين ويمكن يحس انه في حتة ما استحقهاش عن جدارة».

 

وأكد أن المرشحين الجديرين بالفوز، لن يستخدموا آليات إغراء المواطن مثل توزيع الأموال أو الزيت والسكر، متابعًا: «عد حوالي 9 سنين من أول استفتاء وانتخابات بعد الثورة، شفنا النتيجة يوم ورا يوم وشهر ورا شهر.. برضه بقول لك انت حر، عقلك في راسك تعرف خلاصك، عايز تنزل انزل، عايز تركن اركن بس ما تشتكيش بعدها».

 

وطالب العازفين عن المشاركة بعدم الشكوى للإعلام، قائلا: «ماتبعتليش ولا تبعت للإعلام رسالة شكوى، لأن الشخص الصح هو النايب بتاعك اللي أنت اخترته.. هو اللي شغلته يشوف لعيالك شغل، هو اللي يحل مشكلة الثانوية العامة، هو اللي يشوف أكوام القمامة.. خلص عهد الإعلام اللي يطلع يقول فالمسؤولين يستجيبوا».

 

وأوضح، أن النواب منوط بهم محاسبة الوزير وسحب الثقة من الحكومة ككل، متابعًا: «لو كان المجلس اللي فات ما عملش، يبقى أنت يا ما اخترتش أصلاً أو اخترت غلط أو اخترت صح بس اللي حواليك ماختاروش صح».

تابع بوابة روزا اليوسف علي
جوجل نيوز