أحمد السعدني يكشف سر انسحابه من "كله بالحب".. هل زينة السبب؟
محمد إسماعيل
كشف الفنان أحمد صلاح السعدني، عن السبب وراء انسحابه من استكمال تصوير مسلسل "كله بالحب"، بعد خلافه مع الفنانة زينة التي تشاركه بطولة المسلسل المقرر عرضه في شهر رمضان.
ربما يعجبك
وشن السعدني هجوما عنيفا على الأوضاع التي يمر بها المسلسل، على خلفية تدخل الفنانة زينة في جميع تفاصيل العمل بما فيها بوسترات المسلسل والمقاطع الدعائية للعمل، إذ قال السعدني: "بسم الله الرحمن الرحيم.. الحقيقة انا عمري ما عملت مشكله في شغلي و عمري ما اختلفت مع زمايلي انما انا اللي بيحصل معايا في المسلسل اللي شغال فيه ٢٤ ساعه مبروحش بيتنا عشان يلحق العرض و الواحد ساكت و بيعدي بلاوي عشان الزنقة والظروف".
ويضيف السعدني بقوله: " انا متربي في ستوديوهات كبرنا انا و اللي زيي اللي كان بيتقال عليهم ابناء الفنانين كانها شتيمة علي احترام مهنتنا مواعيدنا و مذاكرتنا و تحضيرنا للشغل احترامنا للكلمه قبل العقد للاسف شركة الانتاج ملتزمتش معايا باتفاقهم اللي علي اساسه وافقت اشتغل و كان شرط اساسي لقبولي الشغل معاهم و الحقيقه اول مره اشوف تصميم دعايه عمل فني من افيشات و برومو بتعمله زميله في العمل طول عمري كنت فاكرها من اختصاص شركة الانتاج الحقيقه".
وتابع أحمد السعدني: " انا ضهري في الحيط اكمل واقبل بالعبث ده عشان باقي الزملا الفنانين والفنيين المشاركين في العمل اللي ملهمش ذنب و الا اقعد في بيتنا و اكتفي باللي صورته و اطلب من النقابه تجيبلي حقوقي الماديه و في كل الاحوال انا بعتذر لاي شخص بيحبني عن تواجدي في هذا العمل لان الحقيقة اللي بيحصل ده مهزله".
مسلسل "كله بالحب" يشارك في بطولته زینة وأحمد السعدني وریم البارودي، وصابرین وھالة فاخر ومصطفى درویش ومحسن منصور وریم البارودي، وسامر المصري، وھو من تألیف ورشة أحمد الشخیبي، وإخراج عصام عبد الحمید، وإنتاج شركة "سكیرمو میدیا".
جوجل نيوز
