حسن الرداد ينفي وفاة دلال عبد العزيز: ارحمونا
محمد إسماعيل
نفى الفنان حسن الرداد خبر وفاة الممثلة القديرة دلال عبد العزيز والذي تردد خلال الساعات الماضية.
ربما يعجبك
وقال حسن الرداد، في منشور على انستجرام: "ياريت المواقع الصحفية اللي بيكتبوا أي أخبار عشان يعملو نسب مشاهدة ارحمونا شوية وراعوا مشاعر الناس وعيب على المواقع الكبيرة اللي تناقلت الخبر واللي أصبحت بالنسبة لي صحافة صفراء ليس لها قيمة، فالخبر المنشور عن حماتي دلال عبد العزيز غير صحيح.. ارحمونا بقى عشان الواحد قرف منكم".
وتابع حسن الرداد: "بالنسبة للمواقع الصفراء الرخيصة اللى كتبت اخبارا غير صحيحة عن حماتي #دلال_عبد_العزيز، يا ريت تحترموا نفسكم شوية. اللى بينزل اخبار غير صحيحة تخص حياة انسان عشان يعمل ترند على موقع يبقى واحد مش محترم ولا يحترم المهنة بتاعته اللي الف باء فيها وجوب تحري الدقة".
وأضاف: "احنا بقالنا شهور فى المستشفى وكلنا متواجدين مع حماتي وقاعدين قدامها ٢٤ ساعة رامي وإيمي ودنيا وأنا وفجأة يجيلنا سيل مكالمات ورسائل من كل أهلنا وحبايبنا بيطمنوا".
وأكمل: "حقيقي عايز اسأل اللي كتب الخبر لو حد فينا كان بعيد وسمع الخبر ده حضرتك متخيل كان ممكن يحس بإيه او ممكن يحصل له ايه على ما يتاكد ان الخبر مش مظبوط؟ مش هقولك يا ريت يحصل فيك نفس الموقف عشان تعرف المصيبة اللى انت عملتها بس حقول لك حسبي الله ونعم الوكيل".
جوجل نيوز
