10 رسائل من الرئيس السيسي للمصريين "عن الغلاء والصحة والتعليم والتنمية"

رسائل مهمة بعث بها الرئيس عبد الفتاح السيسي، خلال تدشين المشروع القومي لتنمية الأسرة المصرية، معظمها يستهدف توعية المصريين بحقيقة الأوضاع في البلد، ومسارات التنمية والعمل والأزمات أيضًا.

وجاءت رسائل الرئيس كالتالي:

-    توجه الرئيس عبدالفتاح السيسي، بالشكر والتقدير للقائمين على المشروع القومى لتنمية الأسرة المصرية، داعيًا إلى تضافر جميع الجهود من أجل تنفيذ المشروع، وقال الرئيس السيسي خلال تدشين المشروع القومى لتنمية الأسرة المصرية: "نتحرك في المشروع كلنا ومع بعض الجمعيات الأهلية والجامعات والإعلام وكل المحاور اللي ممكن تشارك.. الموضوع اللي بنتكلم فيه تنمية الدولة المصرية ومحاربة الجهل والتخلف والفقر محتاجين نحط أيدينا في إيد بعض ونتحرك لعكس الكلام ده، وهذا لن يتحقق إلا لما نحط المشروع ده ركيزة للتحرك من أجل تغيير واقعنا للأفضل إلى كل شيء، وتابع الرئيس السيسي: "المشروع خطوة وبعد كده نشوف كل شهرين تلاتة معدلات النمو السكاني ونتكلم ونيجي نقعد كده، وكنت بتكلم عن الاستقرار الحقيقي وأسباب الاستقرار الحقيقى هو رضا المجتمع، مش أجهزة الدولة مسؤولة عنه فقط، ولكن كلنا محتاجين نتحرك في ده علشان نوصله للناس ونقولهم خالوا بالكم أن العدد ده الزراعة والطريق والتعليم ميكفوش، ملوش شغل، انتوا جايبينهم ليه؟، علشان تعذبوهم؟، ولا علشان يعيشوا وينبسطوا".

-    قال الرئيس عبد الفتاح السيسي، إن القضية مشتركة وليست قضية سلطة، مفيش نظام في مصر، أنا زيكم ومعاكم ومنكم، ولو مش قادر والله والله والله هديكم التحية وامشى.. هنعملها مظبوط كلنا.. اللى مش قادر يواجه ويجابه ده.. دى أمانة قدام ربنا.. مستقبل ولادنا.. القضية كبيرة أوي.. عاوزين تعليم كويس سواء قبل الجامعة أو بعد التخرج من الجامعة.. ويكون عندنا مستوى كويس.. بشرط المساعدة.

-    قال الرئيس عبد الفتاح السيسي، إن الدكتورة هالة السعيد وزيرة التخطيط تحدثت عن معدل النمو 6%، متابعًا: "إحنا عاوزين معدل النمو في مصر 60% علشان نوفر 5 تريليونات دولار نتاجا محليا.. وعلشان نوفر الخدمات اللى بتتقدم في أوروبا.. والتعليم اللى في أورويا.. وأخلى فيه وعي وتوعية زي اللي في أوروبا.. أنا مش بقدر اعمل ده.. كنا بنتلكم فى مبادرة قوائم انتظار العمليات الجراحية عن 20-30 ألفا ودلوقتى بنتكلم عن مليون ولسه شغالين.. ومش هيخصلوا وهيزيدوا". وأضاف الرئيس السيسي، خلال كلمته في إطلاق المشروع القومي لتنمية الأسرة المصرية: "والله العظيم مقولشي كده يعني.. مش افتكر أنه يكون فيه فرص للجهود والكفاح والعمل قد ما إحنا بنعمل.. إنتوا مش حاسين بده.. أنت مش عايش برضا.. الحاجة غالية وبتغلى.. وعارفين كده إحنا مش عايشين جوه بلدنا بس.. وإن حصل غلاء بيغلى علينا.. العملية مركبة.. بس معدلات النمو مش مكافئة.. معدل النمو الاقتصادي لا يساوى معدل النمو السكاني.. عندنا عجز متراكم على مدار 50 سنة".

-    تحدث الرئيس عبد الفتاح السيسي، عن أوضاع الدولة المصرية، قائلا: "البلد دى بلدنا كلنا.. مش بتاعتي أنا بس.. وانا دائما أقول الأمن القومي والأمن القومي والأمن القومي في كل حاجة.. الرعاية الصحية أمن قومي.. التعليم أمن القومي.. والدكتور طارق شوقي وزير التعليم خد على دماغه لما مات لما جيه يطور التعليم.. إنتوا عاوزين تعليم ولا مش عاوزين.. لقاءاتنا دي توعية حقيقية لواقعنا.. واحنا مش بنكسف.. انتوا قولتوا كلام مرتب هيفهموا ناس كتير.. وفيه ناس كتير تانيين ممكن مش يفهموا الكلام.. زى معدل النمو وغيره". 

-    كشف الرئيس عبد الفتاح السيسي، عن عدد الطلبة الذين انطبقت عليهم شروط الحصول على تدريب على نفقة الدولة بقيمة 30 ألف دولار لكل طالب، مضيفا: "لما اعمل اختبار لـ 200 أو 300 ألف هلاقي المعايير تنطبق على 50% مش كده؟ بتظلم شبابنا وتعليمنا.. لقيت 111 شابا فقط، علشان تعليمي تعبان".. كنت مستعد لو فيه 100 ألف طالب قسما بالله قلت هدفعلهم 30 ألف دولار لكل طالب".

أضاف الرئيس خلال كلمته في تدشين مشروع تنمية الأسرة المصرية: "يا مصريين اصحوا إذا كنتم خايفين على بلدكم انتبهوا القضية كبيرة جدا قضية بناء مواطن، موجها حديثه للمواطن، انت بتجرى على انك تدخلوا كلية وخلاص وبتحطوا جوه المدرسة وخلاص، وفاكر انك بتجهز ابنك، وفيه كلمة النبي محمد صلى الله عليه وسلم قال اعقلها وتوكل".

وتابع الرئيس السيسي: "حد قال لبنته لما تيجي تتجوز انتظرى سنة أو اتنين وخدى نفسك وعيشى وتتعودى على الحياة الجديدة، مبتكلمش على تنظيم أسرة خالص، انا قلت لبنتي كده.. قلت استنى سنتين تلاتة على الأقل".

-    قال الرئيس عبد الفتاح السيسي، إنه تحدث مع أحد المسؤولين في بلجيكا عن الناتج المحلي، قائلا: "قولتله عاوز جامعة تدي تعليم كويس.. وعاوز مدرسة تعمل تعليم كويس.. ومش الناس تتخانق علشان تغشش ولادها.. علشان تقولى أن ابنى معايا شهادة شغله بقى".

وأضاف الرئيس السيسي، خلال كلمته في إطلاق المشروع القومي لتنمية الأسرة المصرية: "الكلام ده من سنة 50 وسنة 60.. هو الواقع اللى سبب تردى الدولة.. انا عايش معاكم الحكاية.. وفى 2014 قولت الكلام ده.. السبع السنين، زدنا 14 مليون نسمة.. جالي أرقام دخل تكفى هذ النمو الـ 14 مليونا.. طبعا لا.. ده عجز من الدولة لا.. قدرة الدولة مش متمشية مع قدرة نمو الدولة.. الاثنين مش زي بعض.. لو عندى مصروف ألف جنيه.. دخلي مش ألف جنيه.. يبق فيه عجز.. انا مش بتكلم في موازنة.. عجز القدرة والأداء".

-    كشف الرئيس عبد الفتاح السيسي، عن حوار دار بينه وبين أحد المسؤولين في بلجيكا، قائلا: "فى بلجيكا التقيت بالناس وكلمت الدنيا.. أول ملف كنت بتكلم عن ملف حقوق الإنسان لأننا معندناش حاجة مخبينها.. عندنا قضية مش معروفة وغير معلومة الا لبعضنا، من ضمن الحاجات اللى كنت بتكلم مع المسؤول قلتله ليه مسالتنيش عن الناتج المحلى بتاعك كام؟ استغرب يعني وقلتله الناتج المحلى عندك كام قالى 500 مليار والسكان قال 10 ملايين نسمة، قلتله يبقا انا عاوز دخلى 5 تريليونات دولار علشان عندي 100 مليون نسمة، وعلشان انا معنديش المبلغ ده الناس في مصر مش بتاكل كويس ومبتتعلمش كويس ومبتتعالجش كويس.. أدى حقوق الإنسان اللى أنا أعرفها".

-    تحدث الرئيس عبد الفتاح السيسي، عن الأوضاع في عام 2011، قائلا: "الناس خرجت ليه في 2011.. لأن حالة الرضا المجتمعي مش موجودة.. الناس مش راضية.. مفيش حاجة مكفية.. ومفيش تعليم كويس.. وبدل ما نقول أن أداء المواطن بقينا في مواجهة الدولة.. نعمل دراما.. ومش باخدكم  بعيد عن الهدف.. بنتكلم عن الحفاظ على الدولة المصرية وعدم الانزلاق للخراب والدمار.. الناس تعبانة وعاوزه تغيير صحيح.. بس اتغير ازاي.. اللى بنتكلم فيه.. بنغير أسباب التردي".

-    تحدث الرئيس عبد الفتاح السيسي، عن حاجة الدولة المصرية في المستشفيات لتحقيق الخدمة الصحية المطلوبة، قائلا: "عاوزين نضاعف المستشفيات.. عندنا 500 مستشفى.. عاوزين ألف مستشفى.. طب بكام.. انت كده عملت المكان بس.. فين التشغيل والأطباء.. الناس تسبلنا فرصة عمل في حتة تانية".

وأضاف الرئيس السيسي، خلال كلمته في فعاليات إطلاق المشروع القومي لتنمية الأسرة المصرية: "الطبيب هو أنا بديلو مرتب كويس؟.. هو انا مش عاوز اديلو مرتب كويس.. انا مش قادر اديلوا مرتب كويس.. المدرس.. الدولة انا مش قادر.. وبالتالي التعليم اللى بيخرج.. جامعات حاسبات وكلية هندسة حاسبات.. وعاء فيه 10 الآلآف من الطلاب.. ونقول نعمل الاختبارات الإلكترونية.. وبنك معلومات ونظم معلومات.. علشان تتطور ايه البنية التحتية". وتابع الرئيس السيسي: "هتفضل في دائرة كاملة لطيفة.. أن المستوى بتاعك هيفضل كده.. دائما في سوق العمل في مصر بس.. النموذج ده.. وعدد أقل منه.. احنا بنجيب الحد الأقصى.. بنقول في الموارد بتاعتنا هندفع بس هاتوا الناس للوظائف الجديدة.. انا جيبت مثال واحد.. لكن الكلام ده.. لو خرجت ألاف الطلبة.. من خريجي كلية الأداب جغرافيا وتايخ.. سوق العمل فيه كده.. الناس عاوزه كده.. الناس عاوزه تدخل ولادها الجامعة... وأنت كمواطن تغسل ايدك وتقوله عملتك.. ليسانس آداب قسم كذا.. العدد اللى بيخرج ملوش مكان".

-    أكد الرئيس عبد الفتاح السيسي، أنه لولا فضل الله على مصر لكانت البلد ذهبت مع الدول التي تهدمت، مضيفا: "بدل ما تجيب فيلم الإرهاب والكباب وتجيب المواطن بيشتكى خلى البلد خصم، مخلاش السلبية خصم، انت المفروض تخلى السلبية خصم، وأضاف الرئيس خلال كلمته في تدشين مشروع تنمية الاسرة المصرية: "المواطن اللى مبيشتغلش هو اللى خصم، لما حولت البلد لخصم هدوها، ولولا فضل االله علينا وكرمه لكانت البلد دى زى باقى البلاد اللى إنتوا شايفنها ما قامتش تاني ولا رجعت تاني خلاص، واللى يروح.. يروح ميرجعش، لكن هو افاض علينا، طيب بعد أن افاض علينا هنفضل زى ما احنا كده، اقابل ناس في الشارع تقولى انا زعلانة منك، اقولها ليه تقولى عندي 6 عيال اقولها اعمل ايه؟ بس هما ساعات ميجبوش الحاجات دي في التليفزيون، علشان ميزعلوش يعني، أقولها انتي عندك 6 أقولها أنا عندي 100 مليون.