نشوى مصطفى: حاربت علشان أكون ممثلة
محمد إسماعيل
فاجأت الممثلة نشوى مصطفى جمهورها بالكشف عن بداياتها في المجال الفني، والحرب التي خاضتها من أجل الالتحاق بالتمثيل.
ربما يعجبك
وقالت نشوى مصطفى في منشور عبر حسابها بموقع فيس بوك: " انى اكون ممثلة بدايته كانت وانا عندى ١١ سنة - كانت اول مرة اشوف فيلم باب الحديد — الممثل اللي بيعمل دور قناوى سحرنى — مكنتش اعرف اسمه - ولا اعرف انه مخرج - ولا كنت افهم يعنى ايه مخرج — اتوحدت مع احساس عينيه — واللي لحد دلوقتى مع احترامى لكل عباقرة واساتذة التمثيل مشفتش مساحة الصدق القصوى غير فى عنين يوسف شاهين وهو قناوى".
ومضت نشوى مصطفى، تقول: "طفلة عندها ١١ سنة احلامها شبت خارج حدود اسوار طبقة اجتماعية متفهمش يعنى ايه لما يسألوها عايزة لما تكبرى تطلعى ايه تقول لهم عايزة ابقى ممثلة — حاربت علشان اكون ممثلة — وقدرت — وبشروطى — بس معرفتش احارب علشان اكون ممثلة زي ماكنت اتمنى".
وتابعت نشوى مصطفى: "استسلمت للتننميط ودى كانت شروطهم طالما انا ليا شروط — احياناً كنت باقدر افلفص — بس وانا باقرب من النهاية - باعتذر لنفسى انى بمساعدة اخرين استسلمت وحرمتنى من متعة انى اكون زي مااتمنيت — ضيعت وضيعوا عليا فرصة الحياة — الحمد لله فى كل الاحوال — الحمد لله دايماً - الحمد لله".
جوجل نيوز
