هنادي مهنا: شائعات خلافاتي مع أحمد بتضحكني ومبسوطة بيها عشان مانتحسدش

سخرت الفنانة هنادي مهنا من شائعات انفصالها عن زوجها أحمد خالد صالح قائلة: "الموضوع مضحك وبيضحكني أوي، وقلت كويس أنهم مشغولين في الكلام ومتخيلين إننا بينا خلافات أحسن ما يحسدونا”.

ورداً على سؤال: هل تشعر بالغيرة على زوجها؟ قالت في لقاء مع برنامج "كلمة أخيرة"، الذي تقدمه الاعلامية لميس الحديدي: أكيد زي كل البني أدمين بس مش بتخانق وهو بيغير عليا في حدود الطبيعي.

وكشفت أنها أحيانا تقوم بفتح موبايل زوجها لكن ليس لشيء سوى لاخذ صور بعينها  وأن "باسورد" تليفونه معها: قائلة: "مش عشان حاجة بفتح موبايله، عشان بس لو هكلم حد أو عايزه صور، وهو مش بيغيره  لانه ماعندوش حاجة يخبيها فسايبها زي ما هو".

 ووجهت الحديدي لها سؤال: تعملان سوياً في المجال الفني هل لو نجح أحدكما أكثر من الاخر من الممكن أن يولد غيرة فأجابت: “بالعكس ما فيش مجال للمنافسة بين راجل وست، لكن على أي حال أتمنى أنه ينجح أكتر وببقى فرحانة لما ينزله حاجة، وبكون متحمسة في دعمه وكأن الدور لي".

وعن وجود خطوط حمراء في الادوار التي تقدمها قالت: عندي خطوط حمراء زي أي حد، وبراعي في الاخر أني بشتغل في مجتمع شرقي وبتخيل شعورهم وهما بيشوفوا اي فنان في التليفزيون المفروض هو قدوة وفيه ناس ممكن تقلد فأتمنى دائماً أكون قدوة للاسر وللأبناء، مش عاوزة أعمل حاجة تضايقهم أو تكون مختلفة عن مجتمعهم".

لافتة أنها تقر بوجود قيود مجتمعية أكثر على الفنانة قائلة: "مش هتكلم عن ده وأقول معاه ولا ضده؟ لكن في النهاية ما عنديش غير حل من اتنين إما احترم المجتمع وأمشي كما يريد، أو كما يحبون وأبقى معاهم، أو أعمل عكسهم وأقول لهم حبوني بالعافية، في النهاية لازم أحترم  المجتمع  اللى اخترت أعيش فيه".