في ١١ معلومة.. اعرف القصة الكاملة لأزمة طريق الساحل الشمالي وكيف استجاب الرئيس للرأي العام؟

طريق الساحل الشمالي، عبارة عن 6 حارات رئيسية في الاتجاه الواحد، بواقع 12 حارة في الاتجاهين، و4 حارات داعمة على جانبيهما.

جرى إنشاء 9 كباري دورانات، لينقل من بحري الطريق أمام مدينة العلمين الجديدة وسيدي عبدالرحمن وحتى مدينة الضبعة إلى قبلي الطريق، ويربط بين الجانبين.

طريق الساحل الشمالي مزود بشبكة كاميرات مراقبة ورادارات ثابتة ومتحركة، ويخدم الطريق مدينة رأس الحكمة الجديدة ومدينة العلمين الجديدة.

قال مواطنون وبرلمانيون إن الجهود الحكومية في أعمال التطوير لا تتماشى مع طبيعة الطريق، وما يتواجد من حوله من قرى سياحية منتشرة، حيث تم تنفيذ طريق خدمات باتجاه مُزدوج مع العلم، بأن كثافه المرور لا تقل عن 80% في هذا الطريق، وهو ما يترتب عليه كثافة مرورية، خصوصًا خلال فترات الأعياد والإجازات، بسبب طابور السيارات المكدسة أمام القرى من أجل دخولها.

 الرئيس تطرق إلى الأعمال الجارية حالياً لتطوير طريق الساحل الشمالى أثناء تفقده أمس لسير العمل ببعض الطرق والمحاور بالقاهرة، مشيراً إلى متابعته الشخصية لآراء وملحوظات المواطنين بشأن الطريق.

 أكد الرئيس، أنه لم يتم الانتهاء بعد من تطوير الطريق بالكامل وبشكل نهائى، بما يشمل كل الأعمال الفنية وتزويده بالخدمات والإرشادات المرورية اللازمة لتنظيم حركة السيارات.

قال الرئيس: أنا بسمع وبتابع أي شكوى من المواطنين، زي الطريق الساحل، بس أنا بس عايز أقول، إن الطريق ده المفروض يخلص يوم 30 يوليو أو نص شهر أغسطس، لأن لما الطريق ينتهي، هيخلص كل الشغل الفني اللي عليه، ثم هيتعمله الإرشاد اللازم، ثم بيتحط عليه عناصر الشرطة لضبطه زي ما إحنا عايزين، وبالتالي إزاي طريق عرضه حارة أو اتنين، هيتقارن بطريق تاني عرضه 7 حارات.

قال الرئيس: "انتظروا لما الموضوع يخلص ويتشرحلكوا، وأنا ببقى مستغرب جدًا، أن المسؤولين على الطريق مش قادرين يقولوا إن الطريق لسة مخلصش، وأنه لسة فيه شغل، وبالتالي الحكم مش مظبوط".

أوضح الرئيس: "هنعمل الطريق على قواعد المرور السليمة، ولا هنعمله على أسلوب الناس في الحركة، لأ هنعمله على قواعد المرور طبعًا، انتوا لازم تنتبهوا، كل ما الشغل بيتعمل، في ناس بتعد كل هدفها أنها تشكك في اللي بيتعمل، وتسيء إليه، لا يا جماعة دي ناس بتحاول تحطلكوا تراب على شغلكوا، مش شغل الهيئة الهندسية، لأ ده شغل مصر، لأ يا جماعة الطريق هيتعمل طبقًا للقياسات العالمية”.

ووجه الرئيس بتشكيل لجنة من الاستشاريين والخبراء الفنيين لبحث شكاوى وملاحظات المواطنين.

الفريق كامل الوزير، وزير النقل والمواصلات أمر بتشكيل لجنة لمعاينة الطريق الساحلي الدولي والتعامل مع المشكلات به وحلها بشكل فوري، بتوجيهات من الرئيس عبدالفتاح السيسي.