بعد فشل تنظيم حفل "كايروكي" في الإسكندرية.. تعرف على موعد حفلهم القادم بالتجمع الخامس

تحيي فرقة "كايروكي" حفلا غنائيا يوم الجمعة المقبل 29 يوليو، ومن المقرر إقامة الحفل في كايروفيستيفال سيتي مول، ويتم الإعلان عن موعد حجز التذاكر قريبا.

الجدير بالذكر أن الإعلامي عمرو أديب كان قد انتقد سوء التنظيم الذي شهده حفل فريق "كايروكي" في الإسكندرية مساء الجمعة الماضية، وتعرض الفريق بسببه لحملة انتقادات على السوشيال ميديا.

وقال أديب خلال تقديم برنامج "الحكاية" المذاع عبر قناة MBC مصر: "الموضة السنة دي من أول أبوقير في إسكندرية لحد ألماظة في آخر الساحل الشمالي ما يسمى بحفلات الشاطئ، ومن يومين كان في حفل في إسكندرية قلقني، لإن كان المطلوب يحضر 5 أو 6 آلاف حضر 20 ألف".

وأضاف: "أنا مش خايف من كورونا ولا حمى القرود، أنا خايف الناس دي تدوس على بعض، ولو تشوفوا بوستات اللي حضروا الناس اتخنقت من الزحام رغم إن المكان مفتوح".

وتابع: "لو الناس دي حد ولع حاجة أو اتخانقوا، وبدأت الناس تجري هيدوسوا على بعض، ونرجع نقول كان فين الأمن، وليه المطافي والإسعاف اتأخروا، لكن في حاجات ولا أمن ولا اسعاف يقدر يعمل حاجة، ولو هذا الأمر حدث إحنا قدام كارثة حقيقية".

وواصل: "كايروكي على عيني وراسي، وبموت في أمير عيد، وعايز الناس تنبسط في إسكندرية، لكن أرجوكم لازم يكون في جهات قادرة على التنظيم، وشوفنا حفلات لعدد من كبار النجوم كانت منظمة بطريقة بديعة ومبهرة".