سحر عثمان تكتب: ارجعلي من تاني

حاولت كتير أداري ضعفي وهواني

 مع حب كبير عشت معاه أحلى أيامي

 وكنت معاه بنسى عمرى وزماني

 ساعات بتمنى يعود العمر من تاني

 وأعيش معاه أحلى قصة حبي وغرامي

 عشت قبلك سنين ضاعت فيها أحلامي

 ولما جتلي جددت كل حياتي من تاني

 وعدت سنين وأنا بين إيديك قلبي وكياني

 بس خلاص صحيت ولقيت عمري ضاع مني

 سبني أعيش الوحدة مع ذكريات جميلة كانت بتجمعنا

كل مكان بمشي فيه بيفكرني بساعات عشناها

وكل شوية أدور عليك بس مفيش فايدة لازم أنساها

بس خلاص مبقاش بهمك

سبتني أعيش حزني ولا همك

وطلبت منك نرجع من تاني

 بس بكل قسوة رفضك ليا خلاني

 أعيش مع نفسي ما بين همي وحرماني

دلوقتي هتكمل حياتك خلاص مع قلب تاني

 وأعيش أنا بدموعي وحزني وأشجاني

 مش هقول منك لله حبيبي

هقول ارجعلي من تاني