إخراجها قبل صلاة العيد ... اعرف قيمة زكاة الفطر هذا العام
اسراء علاء الدين
قالت دار الإفتاء المصرية، إن قيمة زكاة الفطر لهذا العام 1444هـ، هي 30 جنيها كحد أدنى، عن كل فرد مع استحباب الزيادة عن هذا المبلع لمن أراد.
ربما يعجبك
وأكدت دار الإفتاء أنه يجوز شرعا إخراج زكاة الفطر منذ أول يوم فى شهر رمضان حتى قبيل صلاة العيد.
وأشارت دار الإفتاء إلى أنه يجوز إخراج زكاة الفطر بالقيمة نقودا بدلا من الحبوب تيسيرا على الفقراء في قضاء حاجتهم ومطالبهم.
زكاة الفطر
وشرحت دار الافتاء كيفية حساب زكاة الفطر بلغة عامية وبسيطة، قالت فيها: " إن دار الإفتاء المصرية حسبت قيمة زكاة الفطر لهذا العام، على القمح اللى بيتعمل منه العيش اللى كل الناس فى مصر بتاكله لأن بيوت كتير مش بتاكل لا رز ولا تمر ولا زبيب.
وسعر أردب القمح ١٧٠٠ جنيه، والأردب فيه ١٥٠ كيلو، فيكون سعر الكيلو ١١.٣٣ إحدى عشر جنيه وثلاثة وثلاثون قرشًا.
والزكاة تساوى ٢.٠٤ كيلو، وبضرب ٢.٠٤كيلو× ١١.٣٣، يكون الناتج ٢٣.١١ ، ودار الإفتاء قالت إنه ٣٠ جنيها يعني زودت كمان عن الحد الأدنى بشويه.
و ٣٠ جنيها الحد الأدنى يعني طلع أكتر من ٣٠ جنيها لو معاك ودخلك يسمح لك، بس اللى مش هيقدر فأقل حاجه يطلعها عن الفرد ٣٠ جنيها.
طيب أنا شايف إن ٣٠ جنيها قليل مش هتعمل حاجه يبقى تطلع ما ترضاه نفسك وتحس إنه له قيمه لكن لا تقل عن ٣٠ جنيها ولا تلزم غيرك يطلع زيك لأن ممكن يكون غير قادر.
وتخرج زكاة الفطر قبل صلاة العيد، ولو ملحقتش تطلعها ممكن تاخد برأي السادة الشافعية إنك ممكن تطلعها قبل غروب شمس يوم عيد الفطر".
جوجل نيوز
