شيكابالا يكشف كواليس قرار اعتزاله.. ويؤكد: ميدو طلب مني التراجع

كشف محمود عبد الرازق "شيكابالا" قائد نادي الزمالك، كواليس قراره باعتزال كرة القدم، وذلك خلال ظهوره مع الإعلامي إبراهيم فايق عبر قناة "MBC مصر 2".

وأوضح شيكابالا أنه كان قد اتخذ قرار الاعتزال في نهاية الموسم، لكنه أجّل الإعلان احترامًا لزميله محمد عبدالشافي الذي رفض إقامة مباراة اعتزال.

 مضيفًا: "كان لازم يتكرم بالشكل اللي يليق بيه من الجمهور في نهائي كأس مصر، لأنه من أعظم الشخصيات اللي مرت على الزمالك".

وتابع: "انتهت رحلتي مع كرة القدم، وحاسس إني قدمت كل حاجة مع الزمالك ومع الكورة، وكان لازم آخد القرار ده".

وأكد قائد الزمالك أنه شعر بحب وتقدير الجماهير، قائلا:

"شايف حب الناس ليا وجمهور الزمالك هيفضل يحب شيكابالا بعد الاعتزال".

وعن محاولات إقناعه بالاستمرار، قال شيكابالا: "كان في ناس كتير طالباني أكمل سنة كمان، لكن أنا شفت إن ده القرار المناسب".ذ

وأضاف: "ميدو جالي لحد البيت وكان فاكر إن في حد بيضغط عليا عشان اعتزل، وقاللي مينفعش تعتزل دلوقتي لو أنت مش عايز، وأنت لسه في عقدك سنة وأنت صاحب القرار".

واختتم قائلا: "لكن أنا قررت أعتزل الموسم ده بإرادتي التامة وبدون أي ضغوط".