ساويرس يكشف موقفه من دعم الزمالك ماديًا في ظل الأزمة المالية

أكد رجل الأعمال سميح ساويرس، خلال لقائه مع الإعلامية لميس الحديدي في برنامج «كلمة أخيرة»، أنه رغم انتمائه للزمالك منذ طفولته، فإنه لا يفكر في دعم النادي ماديًا في الوقت الحالي، مشيرًا إلى أن القرار مرتبط بمدى وضوح واستقرار إدارة النادي.

وقال ساويرس: «الفترة اللي كان المفروض الواحد يساعد فيها كانت مليانة لخبطة، سواء من إدارة النادي أو من الدولة نفسها»، مضيفًا: «أنا من الناس اللي مش بتجري أول ما تسمع حاجة، لازم أشوف الصورة كاملة وأتأكد».

وأوضح أن سبب امتناعه عن الدعم المالي هو غياب المنظومة المتكاملة داخل النادي في فترات سابقة، مؤكدًا: «مش هدخل في حاجة مافيهاش نظام أو محاسبة، زي الجمعيات الخيرية اللي بتكلمنا، لو المشروع كويس بس مافيش إدارة ولا رقابة، ما بدخلش فيه».

وفيما يخص الإدارة الحالية، قال ساويرس إنها «أفضل فعلاً» من سابقتها، لكنها ما زالت بحاجة إلى وقت لتثبت نفسها، مضيفًا: «لازم نستنى 3 أو 4 سنين ونشوف هل فيه استمرارية ونظام من فوق لتحت ولا لأ».