في ذكراه الأولي.. ماس محمد رحيم توجه رسالة مؤثرة لوالدها الراحل

كتبت ماس ابنة الملحن الراحل محمد رحيم رسالة مؤثرة عبر حسابها الشخصي على إنستجرام، عبرت فيها عن اشتياقها العميق لوالدها في ذكري رحيله الأولي، مؤكدة أن فقدانه ترك فراغًا كبيرًا في حياتها لا يمكن تعويضه.

وقالت ماس محمد رحيم: "فكرت كتير في الكلام اللي نفسي أقوله النهارده، واللي عارفة كويس أوي أنه هيوصلك وهتحس بيا عشان اللي بيني و بينك،  مكانش وعمره ما هيكون في الأرض و انتهى عليها وبس، يمكن بقالي ٣ شهور بحاول أجمع كلامي و بقالي سنة بحاول أصدق، أنا بقيت أدور عليك في تفاصيل عمري".

تابعت: "ما كنتش باخد بالي منها في العادي، بدور على صوتك في كلامي وملامحك في مرايتي وفي وشوش إخواتي وأهلنا، كل ما بتوحشني يا بابا بتفرج عليهم و بشوفك فيهم، كل كلامك يهمني وأي حاجة كانت بتيجي في بالك ولو ثانية كانت بتشغل تفكيري و يمكن عشان كدا أنا مش بنسى".

واختتمت منشورها، قائلة: "ذكرى أليمة و بتوجعني وبتحطمني ولكن كفاية عندي إني بفتكرك أنت، ورب العالمين رزقني بيك و خلاني بنتك وخلى حبك في قلبي كبير كدا.. ادعو لقلبي بالرحمة والمغفرة".