لماذا أحيا إيهاب توفيق حفلا عقب وفاة والده؟

رد المطرب إيهاب توفيق، لأول مرة على إحيائه حفلا غنائيا بعد أيام من وفاة والده في حريق بمنزله، مبررا بأنه كان مرتبطا بعقود لا يمكن الإخلال بها.

وقال إيهاب توفيق في تصريحات تليفزيونية إنه كان مرتبطا بموعد وعقود لم يستطع إلغاءها، معتبرا أن ما قاله ليس مبررا، موضحا أنه رفض أي عمل عرض عليه بعدها، وتابع: "الناس بتفتش في حاجات خاصة جدا بس مفيش حد هيحب أبويا أكثر مني".

وأضاف إيهاب توفيق بقوله: "محدش بينسى أبوه وأمه ويا ريت محدش يزايد عليا وكل واحد يخليه في حاله شوية وياخد باله من نفسه ومن الناس اللي حواليه، تجاوزنا المحنة وأولادي الصغيرين شافوا الخبر على السوشيال ميديا وصدموا لكن قدرت أعدي بيهم الأزمة".

واستكمل إيهاب توفيق: "كل أمنياتي للناس اللي كتبت عني إن ربنا يحفظهم وميحصلهمش اللي حصلي وإنهم ميشوفوش حاجة وحشة وربنا يحفظ كل إخوتنا وآبائنا وأمهاتنا".

وكان والد إيهاب توفيق قد توفي إثر حريق اندلع في منزله بمدينة نصر، مطلع يناير الماضي.