بالفيديو.. تعليق أسامة كمال علي موقف أمريكا من التوغل التركي في ليبيا

علق الإعلامي أسامة كمال على موقف الولايات المتحدة الامريكية من توغل التركي في ليبيا قائلا: "خلليني أقول لك رأيي في موقف أمريكا اللي بتتعامل مع تركيا بالشوكة والسكينة، واللي في أغلبه بسبب القاعدة العسكرية في انجرليك في تركيا، اللي لو أمريكا سابتها لروسيا تخسر كتير”.

وأَضاف كمال: "موقف أمريكا تردد جامد وبراجماتية وميكيافيللية أمريكية والغاية تبرر الوسيلة وإن كان لك عن الاردو حاجة قول له يا سيدي.. طب هي أمريكا لازم تعمل القاعدة هناك؟ طبعاً.. طب ما تيجي عندنا اهلا وسهلاً. لأ يا فندم مصر رافضة من سنين طويلة وأمريكا مش هتنسى دة لمصر.. كانوا عايزين قاعدة؟ ايوة.. فين؟ في مكان كان اسمه ميناء أهل الكهوف بتعبير اليونانيين، وبعدين في العصر البطلمي برنيس الذهبية وكان فيها أكبر مينا تجاري سنة 275 قبل الميلاد”.

وأضاف أن قاعدة برنيس التي افتتحها الرئيس السيسي قاعدة عسكرية مصرية هامة وأضاف قائلا: "في يناير كثاني قاعدة عسكرية كبيرة في مصر بعد قاعدة محمد نجيب في المنطقة الشمالية، وأكبر قاعدة في البحر الأحمر”. 

كما ان موقع العربية كتب عن برنيس انها نقطة استراتيجية مهمة متلازمة مع أهمية مضيق هرمز والخليج العربي لأنها سهل ساحلي ضيق وسط سلاسل جبال البحر الأحمر تدي تفوق استراتيجي للي يتمركز فيها، وعندها أقل مساحة بحرية بين مصر والسعودية، وأقل مساحة طيران بين مصر والخليج العربي كله، ونقطة عبور استراتيجية إلمنطقة القرن الإفريقي، ونقطة التقاء بحرية وجوية بين قارتين و3 بحار ومحيطين كبار".

ووجه كمال رسالة للمشاهدين قائلا "عزيزي المواطن المصري عارف.. انك محبط وقلقان ويمكن كمان خايف من بكرة.. عزيزي المواطن المصري عايز أقول لك عندك حق لأن المعطيات كتير والتحديات كبيرة وتخوف احنا في لحظة مش مختلفة كتير.

وأضاف: "انت برضه قلقان بسبب اللي بيحصل في سد النهضة وفي ليبيا والكماشة المعمولة علينا اللي مش فاهمين سببها هحاول أقول لك ليه واقول لك غالباً هيحصل ايه بس خليك صبور معايا يمكن الصورة تختلف في ذهنك بعد الحلقة وترجع تاني تقول ارفع راسك فوق.. انت مصري”.

و يسعي أسامة كمال من خلال برنامجه فرز العديد من الاخبار بعيداً التهويل والتهوين..لتضع المشاهد والمتابع في اطار صورة واقعية وحقيقية ويذاع البرنامج يومي الاحد الاربعاء الساعة 12.30 ظهراً. 

https://www.youtube.com/watch?v=jMNOKdEQoIQ