عمرو عبد الجليل يعتذر عن نشره خبر وفاة دلال عبد العزيز
محمد إسماعيل
تقدم الممثل عمرو عبد الجليل بالاعتذار عن نشره لشائعة وفاة الممثلة القديرة دلال عبد العزيز على حساباته في السوشيال ميديا.
ربما يعجبك
وقال عمرو عبد الجليل، عبر حسابه بموقع فيس بوك: "أحد الأدمنز قام بنشر خبر غير مؤكد منذ قليل وأتحمل مسؤولية الاعتذار للجميع.. وأتمنى الشفاء العاجل للفنانة دلال عبد العزيز".
وكان الإعلامي رامي رضوان، زوج دنيا سمير غانم، قد نفى خبر وفاة دلال عبد العزيز، بقوله: "الواحد مابيتمناش غير كل الخير للناس، بس فاض الكيل".
كما علق الفنان حسن الرداد، في منشور على انستجرام: "يا ريت المواقع الصحفية اللي بيكتبوا أي أخبار عشان يعملو نسب مشاهدة ارحمونا شوية واعوا مشاعر الناس وعيب على المواقع الكبيرة اللي تناقلت الخبر واللي أصبحت بالنسبة لي صحافة صفراء ليس لها قيمة، فالخبر المنشور عن حماتي دلال عبد العزيز غير صحيح.. ارحمونا بقى عشان الواحد قرف منكم".
وتابع حسن الرداد: "بالنسبة للمواقع الصفراء الرخيصة اللى كتبت أخبار غير صحيحة عن حماتى #دلال_عبد_العزيز، يا ريت تحترموا نفسكم شوية. اللى بينزل اخبار غير صحيحة تخص حياة إنسان عشان يعمل ترند على موقع يبقى واحد مش محترم ولا يحترم المهنة بتاعته اللي الف باء فيها وجوب تحرى الدقة".
وأضاف: "إحنا بقالنا شهور فى المستشفى وكلنا متواجدين مع حماتى وقاعدين قدامها ٢٤ ساعة رامي وإيمي ودنيا وأنا وفجأة يجيلنا سيل مكالمات ورسائل من كل أهلنا وحبايبنا بيطمنوا".
وأكمل: "حقيقي عايز اسأل اللى كتب الخبر لو حد فينا كان بعيد وسمع الخبر ده حضرتك متخيل كان ممكن يحس بإيه أو ممكن يحصل له إيه على ما يتاكد إن الخبر مش مظبوط؟ مش هقولك يا ريت يحصل فيك نفس الموقف عشان تعرف المصيبة اللي إنت عملتها بس حقول لك حسبى الله و نعم الوكيل".
جوجل نيوز
