مرتضى لكارتيرون: أنا مش تلميذ والفلوس مش كل حاجة
محمد عماد
جدد مرتضى منصور، رئيس نادي الزمالك، الثقة في الفرنسي باتريس كارتيرون، المدير الفني لفريق الكرة الأول بنادي الزمالك، وأكد على تقديم كل الدعم له ولجهازه الفني.
ربما يعجبك
وقال مرتضى منصور، خلال اجتماعه بكارتيرون: «أنا شخصيا نسيت اللي فات ومفيش حد يجبرني أني أخلي مدرب غصب عني أو لاعب غصب عني».
وتابع رئيس الزمالك حديثه الموجه لكارتيرون: «أنت قاعد هنا لأنك مدرب ناجح والكيميا بينك وبين لاعبي الزمالك كانت ماشية»، متابعًا: «الفلوس مش كل حاجة يا كارتيرون العلاقات الجميلة أهم، أنت بقالك حوالي 5 سنين في مصر وعرفت طباع المصريين والناس بتحب العشرة وشعبنا طيب واللاعبين كلها ملتزمين وأنت حصلت على بطولتين في أسبوع».
وأضاف: «ليا طلب عندك أنت فاكر لما أنا طلعت وقولت أنك أنت بعتلي رسالة عن طريق الغلط وأنت قولت مش معايا تليفون رئيس النادي، أنت فاكرني تلميذ؟ هو أنا هقولك كل حاجة أنا لازم أتوهك يمين وشمال، وليا طلب عندك حازم فتوح وكيل أعمالك انتمائه للأهلي وخلي علاقتنا بك مباشرةً وعاوزين نفتح صفحة جديدة نكمل بها البطولات».
وختم مرتضى منصور: «إنتوا ركبتوا الدوري خلاص وانسوا كل المنافسين والمساعدين جايين يعاونوك وقولتلهم أنا عاوز حد يساعد كارتيرون ومايقرفهوش».
جوجل نيوز
