القاضي يسأل قاتل نيرة : قتلتها عشان رفضتك ورد حاسم من المتهم.. صور وفيديو

قال المتهم محمد عادل قاتل طالبة المنصورة  نيرة أشرف أمام محكمة جنايات المنصورة في اعترافاته أمام المحكمة: أنا مش متشدد وأنها كانت بتعمل موديل ، وماكنش فارق معايا تشتغل إيه وبتعمل إيه واتضح انها كانت بتضحك عليا وأهلها لم يكن يعرفوا ذلك".

وأضاف: منذ ثلاثة شهور كنا بنتقابل ونخرج وأعمل كل اللي عايزاه وكانت بتقعد تعيط وغصبا عنها، وكنت بلومها على طريقة حياتها، وكانت بتقولى محدش بيعملى حاجة، على أساس وعد إنها تبعد عن الحاجات اللى كانت بتعملها ، وخلال الفترة دى اتعرفت على والدتها وكانت بتحكي لي على مشاكل والدتها ووالدها وكانت مشاكل عائلية عادية ، وأن والدها مكنشي يعرف الموضوع خالص".

وأضاف: من سنة ونصف بعد حوار أهلها، لقيت واحدة بتتصل بيا وبتهددني وتقول لو فتحت "فمك " هاجبلك رجالة ولو طالبت هاعمل فيك وأسوى وأفضحك وأتبلى عليك، وأنا اتصدمت فيها ، وكلام مينفعشى أقوله وكمية تهديدات".

وتابع : أهلى فاهمين الموضوع ولم يعجبهم هذا الموضوع وفاهمين الدنيا، ولم أرد تدخلهم فى الموضوع، وبقيت مصدوم فترة وقررت أرد لها الشتيمة وعملت إيميل عشان أرد على الكلام اللي هى قالته، .

سأل القاضى المتهم قائلا : هل كان سبب القتل أنها رفضتك.. رد المتهم بقوله : لا .