يا أنا يا أنتي يا شغالتي
02:47 م - الجمعة 27 يونيو 2014
بقلم : آيات الصبان
الحلقة السابعة
مكتب العمالة الإسلامية
زميلتي سحر في الشغل ست بتاعت ربنا اوي و طيبة و على نياتها، من كتر ما حكيتلها عن المصايب اللي بأقابلها مع الشغالات و مع سيد المخدماتي قالت لي: و عليكي من ده بأيه يا حبيبتي، ايه اللي جابرك لسيد زفت ده، قلت لها معرفش غيره، انا سنين طويلة عايشة بره و ماما عندها شغالة بتيجي و تمشي مرتين في الأسبوع و كذلك حماتي ، و انا محتاجة مقيمة ، قالت لي المكاتب بتاعت الخدم في كل حتة، في مكتب خدم اسمه العمالة الأسلامية ، ده بأة كانت جايباه مذيعة مشهورة في برنامجها شكلها بتجيب الشغالات من عندهم ، و الراجل بيقول اننا بنتأكد ان الشغالة شاطرة و نضيفة و كمان ملتزمة دينيا ، بتصلي و تصوم و تجيبلك البركة في البيت ، و تعلم الولاد الصلاة في غيابك ، روحي شوفي معاهم ، قلت لها كلام جميل و كلام معقول مقدرش اقول حاجة عنه، بس قبل ما اعملها مع سيد و اخرج غل الشهور ده لازم اتأكد اني مش هأتسوح الأول ، اما يا سيد لو لقيتهم كويسين هتشوف معايا يوم اسود على دماغك.
جبت الوسيط عشان سحر قالتلي انهم بيعلنوا فيه، لقيت الأعلان فعلا ، قلت باين عليها شركة كبيرة و اتصلت بيهم و قلت : مساء الخير، ردت واحدة عليا: و عليكم السلام ورحمة الله و بركاته ، اؤمري، قلت لها انا محتاجة شغالة ، قالت لي حضرتك تشرفينا نملا استمارة و نتفق و نعرف طلباتك و كله موجود يا فندم زي ما حضرتك عايزة، قلت لها زي الفل ، انا جاية ممكن العنوان ، خدت العنوان و رحت أجري عليهم.
المكتب كان في عمارة في مصر الجديدة ، سألت البواب: مكتب العمالة الأسلامية فين؟ قالي الدور الرابع، طلعت و لقيت الشقة في وشي، لكن لاحظت ان باسطة السلم قذرة جدا، يعني بتوع شغالات و معندهمش شغالة تنضف الباسطة ،غريبة اوي، رنيت الجرس فتحت لي واحدة منقبة ، دخلت لقيت اتنين منقبات قاعدين على مكتب كبير كدة غير اللي فتحتلي الباب و قدامهم واحد راجل و مراته تقريبا بيتفقوا على شغالة، واحدة قالت لي انتظري دقيقة، قلت لها حاضر، قضيت الوقت في تأمل المكان، طبعا مكتب تعبان ، و مفروش اي كلام، الريحة مش مظبوطة ، ما بين كمكمة على عرق على مجاري على طبيخ على بخوركولكشن كدة يوجع البطن، الأوض مليانة ستات كلهم لابسين حجاب او خمار او نقاب، في اوضة في الشقة قدرت اميز فيها مراتب و بطاطين كتيرعالأرض و لا عنبر في سجن النسا، ده معناه انهم بيبيتوا الشغالات في المكتب ، و اوضة تانية ستات قاعدين يقطعوا بطاطس و ينقوا رز، يعني بيعملوا الغدا، و لاحظت وجود اطفال صغيرين، واضح انها عيشة كاملة داخل المكتب ، ناس بتطبخ و ناس بتبات و عيال صغيرة ، لكن كلهم شكلهم متدينات اوي ، الحمدلله هخلص من ابتزاز سيد ، ده انت هتاكل ضرب يا سيد، بس لما اشوفك.
قطع تفكيري صوت بيقولي اتفضلي يا فندم، لقيت الراجل و الست مشيوا من غير ما ياخدوا حد، و قلعت الستات النقاب بتاعهم ، و قالوا لي لا مؤاخذة كنا لابسينه عشان كان في راجل دلوقتي براحتنا، واحدة فيهم كانت حاطة فول ميك اب و لا بسة عدسات و مركبة رموش تحت النقاب (فكرتني بهيام العايقة) و التانية عادية و كبيرة في السن، قلت لهم انا محتاجة شغالة مقيمة قالت لي اتفضلي يا أختي طلباتك، عايزة مصرية و لا أجنبية، قلت لها هو في أجنبية؟!!! قالت لي كله موجود، قلت لها ازاي، قالت لي فري فيزا، قلت لها بس ده مش شرعي و ممكن يعمل مشكلة قانونية، قالتلي و لا مشكلة و لا حاجة سيبيها على الله ، منظومة القيم اتلخفنت شوية ما بين النقاب و انتهاك القانون لكن برضه سألت طب و بكام بأة؟، قالت لي 500 دولار في الشهر للفلبينية (ايميلدا كانت بتاخد 180 دولار، أحبيبتي أميلدا) و 400 دولار الأندونيسية و السيرلانكية و الأثيوبية ، و 350 دولار للنيجيرية و الصومالية ، و 2500 جنيه للسودانية (طب السودانية دي كمان هتحسبوها اجنبية؟!!!)، المرة دي منظومة الشلل في جسمي هي اللي اتلخفنت لكن المهم سألتها سؤال برئ: بس معظم الجنسيات دي صعب تلاقي فيهم مسلمين، قالت لي مش شرط المهم انهم بيتلزموا بالحجاب الشرعي في البيت!!! قلت لها حجاب ايه هما مش مسلمين اصلا، قالت لي بعصبية حضرتك عايزة اجنبية؟ قلت لها لأ غاليين اوي عايزة مصرية، قالت لي خلاص خلينا في المصرية طلباتك؟ قلت لها عايزة واحدة ناضجة ، شاطرة ، بتعرف للعيال و بتعرف تطبخ، و مش عيلة صغيرة، قالت لي طلبك عندي ، سن 47 سنة ، مطلقة و جوزها واخد عيالها، يعني محتاجة الشغل ، و شاطرة و نضيفة و اكلها ممتاز و طيبة، قلت لها بكام؟، قالتلي 2000 جنيه و احنا عمولة شهر مقدم و ضمان 3 شهور، قلت لها هي مكنسة يعني ايه ضمان 3 شهور؟، قالتلي يعني لو مشيت في خلال 3 شهور هنجيبلك غيرها من غير ما تدفعي عمولة تانية سواء لو انتي مشتيها او هي مشيت هنجيبلك بديلة، قلت لها يعني هأدفع 2000 جنيه كل 3 شهور على كدة ، ما هي مفيش واحدة بتقعد اكتر من 3 شهور ابدا، قالت لي ده مش عندنا يافندم، احنا بنخاف ربنا، شغالاتنا بيقعدوا سنين، تعرفي مدام ليلي علوي، قلت لها طبعا، قالت لي عندها شغالة من عندنا بقالها 3 سنين، و كمان مدام إالهام و مدام هالة صدقي ، قلت لها كل دول بيتعاملوا معاكم قالت لي طبعا كل المشاهير، اخرهم مدام بوسي سمير!!! قلت لها بوسي سمير؟!!!!!! هي كمان عايزة شغالة اسلامية يا قلبي!!
قلت لها طب بصي المرتب ده كتير اوي انا كنت بأدفع 1500 بس، ممكن نتفاوض، قالت لي شوفي انا ارتحتلك ، هخدمك و هأديكي امتثال تجربيها على 1800 جنيه و لو عجبتك ابقي زوديها ل 2000 بعد 3 شهور ، ماشي كدة، قلت لها ماشي ، و سألتها هي موجودة دلوقتي؟ قالت لي لأ ، املي استمارة و ادفعي العمولة 1800 جنية و هنجيبها لحضرتك بكرة، التوصيل للمنازل ب 50 جنيه، قلت لها انا ساكنة جنبكم اوي ، قالت لي باشمئزاز حضرتك تعالي خديها، لو وصلناها هيبقى بخمسين جنيه ، قلت لها و انا بحاول ابين اني مش ميتة عالخمسين جنيه و لا حاجة ، هأجي عشان اتعرف عليها قبل ما تيجي البيت ، و هأدفع دلوقتي 500 جنيه ربط كلام ، و بكرة اكملهم، بس انا مش بأدفع مرتبات مقدم، قالتلي مقدم ليه يا مدام، الشغالة تقبض اخر الشهر، احنا اللي عمولتنا مقدم، قالتلي لي استسمحك تنتظري شوية المغرب أذن و هنقوم نصلي جماعة، اتفضلي معانا ، قلت لها اتفضلي انتي انا هأبقي اصلي في البيت، و انتظرتهم يخلصوا ، اول ما رجعوا قلت لهم حرما، قالولي جمعا ، ام فول ميك اب اتسحبت من لسانها وقالتلي و الله يا مدام انتي جميلة و شكلك طيبة ربنا يهديكي للحجاب و النقاب يا أختي ، كان علي لساني اقول لها طب بالنوسبة للرموش و العدسات و الروج الأحمر برضه مع طقم النقاب ،لكن بلعت لساني الشرير اللي هيوديني في داهية و قلت لها ربنا يهدينا جميعا ،دفعت و خدت الأستمارة مكتوب فيها اني بكرة هأخد امتثال ، يعني خلاص كدة، تعالالي يا سيد ، و خش في ملعبي يا مخدماتي فاشل.
روحت البيت كلمت سيد و قلت له ، سيد انا ليا فلوس عندك عايزاها، قالي فلوس ايه يا مدام، قلت له بقيت المقدم !، انا دفعت 3 شهور و البنت اشتغلت شهرين و نص، يبقى ليا 750 جنيه، عايزاهم ، قالي ما انا هجيبلك واحدة جديدة، قلت له، لأ يا حبيبي، شطبنا، كان في منه و خلص، كان في صبر و نفذ، كان في عقل و طار، انت ليه مش عايز تعترف انك فاشل كمخدماتي و ترجع تنقي الدودة في بلدكم، يا فاشل يا فاشل انت، ليه مش عايز تعترف انك نصاب و مبتز و بتاع 3 ورقات و كداب و بتاع افلام ، و كمان بتجيب شغالات مرعبات، و عندهم عفاريت قالي حيلك حيلك يا مدام بأة دي اخرتها برضه، قلت له اخرتها دي اولتها يا فالح، دانا هطلع البلا الأزرق على جتتك زي ما سبق و طلعته عليا، طلعتلي فسافيس في وشي من كتير الزعل يا مفتري ، قالي خلاص يا مدام شيل ده من ده يرتاح ده عن ده، وانتي فلوسك خلصت، قلت له ازاي؟ قالي 7 او 8 شهور بغيرلك في شغالات و عمري ما طلبت عمولة جديدة، قلت له انت كمان ليك عين تطلب، قالي اومال مش حقي؟ قلت له جك كسر حقك، انت مرمطتني معاك و عايز تاخد فلوس بهدلتي، قالي لي سلام يا مدام، و برضه انا في الخدمة ، جربي و شوفي غيري و انا متأكد هترجعيلي، قلت له ارجعلك رجعت المية في زورك، ليه هو انا مراتك عشان ارجعلك، غور في داهية قال ارجعلك قال.
قفلت مع سيد بعد ما أتأكدت اني مش هأخد حق و لا باطل و لازم استعوض ربنا في باقي الفلوس و لكن كنت في حالة من النشوة بالنصر لكن يشوبها قلق و خوف، قصده ايه جربي و هترجعيلي دي، ايه الثقة دي كلها يا سيد، بعينك دانا هتعامل مع مكتب العمالة الأسلامية و مليت استمارة و عقد و شغل على مية بيضة و ناس بتصلي و تعرف ربنا، مش انت و براغيتك يا سيد، الا ما شفتك مرة تقولي اصلي، بس عايز اتغدي عايز اتغدي، عموما انا خلاص مع العمالة الأسلامية، و على رأي خالد الذكر استيفان روستي الناس دي محترمين تمام. اشوفكم في الحلقة الجاية.
بقلم : آيات الصبان
الحلقة السابعة
مكتب العمالة الإسلامية
زميلتي سحر في الشغل ست بتاعت ربنا اوي و طيبة و على نياتها، من كتر ما حكيتلها عن المصايب اللي بأقابلها مع الشغالات و مع سيد المخدماتي قالت لي: و عليكي من ده بأيه يا حبيبتي، ايه اللي جابرك لسيد زفت ده، قلت لها معرفش غيره، انا سنين طويلة عايشة بره و ماما عندها شغالة بتيجي و تمشي مرتين في الأسبوع و كذلك حماتي ، و انا محتاجة مقيمة ، قالت لي المكاتب بتاعت الخدم في كل حتة، في مكتب خدم اسمه العمالة الأسلامية ، ده بأة كانت جايباه مذيعة مشهورة في برنامجها شكلها بتجيب الشغالات من عندهم ، و الراجل بيقول اننا بنتأكد ان الشغالة شاطرة و نضيفة و كمان ملتزمة دينيا ، بتصلي و تصوم و تجيبلك البركة في البيت ، و تعلم الولاد الصلاة في غيابك ، روحي شوفي معاهم ، قلت لها كلام جميل و كلام معقول مقدرش اقول حاجة عنه، بس قبل ما اعملها مع سيد و اخرج غل الشهور ده لازم اتأكد اني مش هأتسوح الأول ، اما يا سيد لو لقيتهم كويسين هتشوف معايا يوم اسود على دماغك.
جبت الوسيط عشان سحر قالتلي انهم بيعلنوا فيه، لقيت الأعلان فعلا ، قلت باين عليها شركة كبيرة و اتصلت بيهم و قلت : مساء الخير، ردت واحدة عليا: و عليكم السلام ورحمة الله و بركاته ، اؤمري، قلت لها انا محتاجة شغالة ، قالت لي حضرتك تشرفينا نملا استمارة و نتفق و نعرف طلباتك و كله موجود يا فندم زي ما حضرتك عايزة، قلت لها زي الفل ، انا جاية ممكن العنوان ، خدت العنوان و رحت أجري عليهم.
المكتب كان في عمارة في مصر الجديدة ، سألت البواب: مكتب العمالة الأسلامية فين؟ قالي الدور الرابع، طلعت و لقيت الشقة في وشي، لكن لاحظت ان باسطة السلم قذرة جدا، يعني بتوع شغالات و معندهمش شغالة تنضف الباسطة ،غريبة اوي، رنيت الجرس فتحت لي واحدة منقبة ، دخلت لقيت اتنين منقبات قاعدين على مكتب كبير كدة غير اللي فتحتلي الباب و قدامهم واحد راجل و مراته تقريبا بيتفقوا على شغالة، واحدة قالت لي انتظري دقيقة، قلت لها حاضر، قضيت الوقت في تأمل المكان، طبعا مكتب تعبان ، و مفروش اي كلام، الريحة مش مظبوطة ، ما بين كمكمة على عرق على مجاري على طبيخ على بخوركولكشن كدة يوجع البطن، الأوض مليانة ستات كلهم لابسين حجاب او خمار او نقاب، في اوضة في الشقة قدرت اميز فيها مراتب و بطاطين كتيرعالأرض و لا عنبر في سجن النسا، ده معناه انهم بيبيتوا الشغالات في المكتب ، و اوضة تانية ستات قاعدين يقطعوا بطاطس و ينقوا رز، يعني بيعملوا الغدا، و لاحظت وجود اطفال صغيرين، واضح انها عيشة كاملة داخل المكتب ، ناس بتطبخ و ناس بتبات و عيال صغيرة ، لكن كلهم شكلهم متدينات اوي ، الحمدلله هخلص من ابتزاز سيد ، ده انت هتاكل ضرب يا سيد، بس لما اشوفك.
قطع تفكيري صوت بيقولي اتفضلي يا فندم، لقيت الراجل و الست مشيوا من غير ما ياخدوا حد، و قلعت الستات النقاب بتاعهم ، و قالوا لي لا مؤاخذة كنا لابسينه عشان كان في راجل دلوقتي براحتنا، واحدة فيهم كانت حاطة فول ميك اب و لا بسة عدسات و مركبة رموش تحت النقاب (فكرتني بهيام العايقة) و التانية عادية و كبيرة في السن، قلت لهم انا محتاجة شغالة مقيمة قالت لي اتفضلي يا أختي طلباتك، عايزة مصرية و لا أجنبية، قلت لها هو في أجنبية؟!!! قالت لي كله موجود، قلت لها ازاي، قالت لي فري فيزا، قلت لها بس ده مش شرعي و ممكن يعمل مشكلة قانونية، قالتلي و لا مشكلة و لا حاجة سيبيها على الله ، منظومة القيم اتلخفنت شوية ما بين النقاب و انتهاك القانون لكن برضه سألت طب و بكام بأة؟، قالت لي 500 دولار في الشهر للفلبينية (ايميلدا كانت بتاخد 180 دولار، أحبيبتي أميلدا) و 400 دولار الأندونيسية و السيرلانكية و الأثيوبية ، و 350 دولار للنيجيرية و الصومالية ، و 2500 جنيه للسودانية (طب السودانية دي كمان هتحسبوها اجنبية؟!!!)، المرة دي منظومة الشلل في جسمي هي اللي اتلخفنت لكن المهم سألتها سؤال برئ: بس معظم الجنسيات دي صعب تلاقي فيهم مسلمين، قالت لي مش شرط المهم انهم بيتلزموا بالحجاب الشرعي في البيت!!! قلت لها حجاب ايه هما مش مسلمين اصلا، قالت لي بعصبية حضرتك عايزة اجنبية؟ قلت لها لأ غاليين اوي عايزة مصرية، قالت لي خلاص خلينا في المصرية طلباتك؟ قلت لها عايزة واحدة ناضجة ، شاطرة ، بتعرف للعيال و بتعرف تطبخ، و مش عيلة صغيرة، قالت لي طلبك عندي ، سن 47 سنة ، مطلقة و جوزها واخد عيالها، يعني محتاجة الشغل ، و شاطرة و نضيفة و اكلها ممتاز و طيبة، قلت لها بكام؟، قالتلي 2000 جنيه و احنا عمولة شهر مقدم و ضمان 3 شهور، قلت لها هي مكنسة يعني ايه ضمان 3 شهور؟، قالتلي يعني لو مشيت في خلال 3 شهور هنجيبلك غيرها من غير ما تدفعي عمولة تانية سواء لو انتي مشتيها او هي مشيت هنجيبلك بديلة، قلت لها يعني هأدفع 2000 جنيه كل 3 شهور على كدة ، ما هي مفيش واحدة بتقعد اكتر من 3 شهور ابدا، قالت لي ده مش عندنا يافندم، احنا بنخاف ربنا، شغالاتنا بيقعدوا سنين، تعرفي مدام ليلي علوي، قلت لها طبعا، قالت لي عندها شغالة من عندنا بقالها 3 سنين، و كمان مدام إالهام و مدام هالة صدقي ، قلت لها كل دول بيتعاملوا معاكم قالت لي طبعا كل المشاهير، اخرهم مدام بوسي سمير!!! قلت لها بوسي سمير؟!!!!!! هي كمان عايزة شغالة اسلامية يا قلبي!!
قلت لها طب بصي المرتب ده كتير اوي انا كنت بأدفع 1500 بس، ممكن نتفاوض، قالت لي شوفي انا ارتحتلك ، هخدمك و هأديكي امتثال تجربيها على 1800 جنيه و لو عجبتك ابقي زوديها ل 2000 بعد 3 شهور ، ماشي كدة، قلت لها ماشي ، و سألتها هي موجودة دلوقتي؟ قالت لي لأ ، املي استمارة و ادفعي العمولة 1800 جنية و هنجيبها لحضرتك بكرة، التوصيل للمنازل ب 50 جنيه، قلت لها انا ساكنة جنبكم اوي ، قالت لي باشمئزاز حضرتك تعالي خديها، لو وصلناها هيبقى بخمسين جنيه ، قلت لها و انا بحاول ابين اني مش ميتة عالخمسين جنيه و لا حاجة ، هأجي عشان اتعرف عليها قبل ما تيجي البيت ، و هأدفع دلوقتي 500 جنيه ربط كلام ، و بكرة اكملهم، بس انا مش بأدفع مرتبات مقدم، قالتلي مقدم ليه يا مدام، الشغالة تقبض اخر الشهر، احنا اللي عمولتنا مقدم، قالتلي لي استسمحك تنتظري شوية المغرب أذن و هنقوم نصلي جماعة، اتفضلي معانا ، قلت لها اتفضلي انتي انا هأبقي اصلي في البيت، و انتظرتهم يخلصوا ، اول ما رجعوا قلت لهم حرما، قالولي جمعا ، ام فول ميك اب اتسحبت من لسانها وقالتلي و الله يا مدام انتي جميلة و شكلك طيبة ربنا يهديكي للحجاب و النقاب يا أختي ، كان علي لساني اقول لها طب بالنوسبة للرموش و العدسات و الروج الأحمر برضه مع طقم النقاب ،لكن بلعت لساني الشرير اللي هيوديني في داهية و قلت لها ربنا يهدينا جميعا ،دفعت و خدت الأستمارة مكتوب فيها اني بكرة هأخد امتثال ، يعني خلاص كدة، تعالالي يا سيد ، و خش في ملعبي يا مخدماتي فاشل.
روحت البيت كلمت سيد و قلت له ، سيد انا ليا فلوس عندك عايزاها، قالي فلوس ايه يا مدام، قلت له بقيت المقدم !، انا دفعت 3 شهور و البنت اشتغلت شهرين و نص، يبقى ليا 750 جنيه، عايزاهم ، قالي ما انا هجيبلك واحدة جديدة، قلت له، لأ يا حبيبي، شطبنا، كان في منه و خلص، كان في صبر و نفذ، كان في عقل و طار، انت ليه مش عايز تعترف انك فاشل كمخدماتي و ترجع تنقي الدودة في بلدكم، يا فاشل يا فاشل انت، ليه مش عايز تعترف انك نصاب و مبتز و بتاع 3 ورقات و كداب و بتاع افلام ، و كمان بتجيب شغالات مرعبات، و عندهم عفاريت قالي حيلك حيلك يا مدام بأة دي اخرتها برضه، قلت له اخرتها دي اولتها يا فالح، دانا هطلع البلا الأزرق على جتتك زي ما سبق و طلعته عليا، طلعتلي فسافيس في وشي من كتير الزعل يا مفتري ، قالي خلاص يا مدام شيل ده من ده يرتاح ده عن ده، وانتي فلوسك خلصت، قلت له ازاي؟ قالي 7 او 8 شهور بغيرلك في شغالات و عمري ما طلبت عمولة جديدة، قلت له انت كمان ليك عين تطلب، قالي اومال مش حقي؟ قلت له جك كسر حقك، انت مرمطتني معاك و عايز تاخد فلوس بهدلتي، قالي لي سلام يا مدام، و برضه انا في الخدمة ، جربي و شوفي غيري و انا متأكد هترجعيلي، قلت له ارجعلك رجعت المية في زورك، ليه هو انا مراتك عشان ارجعلك، غور في داهية قال ارجعلك قال.
قفلت مع سيد بعد ما أتأكدت اني مش هأخد حق و لا باطل و لازم استعوض ربنا في باقي الفلوس و لكن كنت في حالة من النشوة بالنصر لكن يشوبها قلق و خوف، قصده ايه جربي و هترجعيلي دي، ايه الثقة دي كلها يا سيد، بعينك دانا هتعامل مع مكتب العمالة الأسلامية و مليت استمارة و عقد و شغل على مية بيضة و ناس بتصلي و تعرف ربنا، مش انت و براغيتك يا سيد، الا ما شفتك مرة تقولي اصلي، بس عايز اتغدي عايز اتغدي، عموما انا خلاص مع العمالة الأسلامية، و على رأي خالد الذكر استيفان روستي الناس دي محترمين تمام. اشوفكم في الحلقة الجاية.
تابع بوابة روزا اليوسف علي
جوجل نيوز
