عاجل| "فيديو" من أرشيف الجبهة فيلم.. "صائد الدبابات"

نشرت الصفحة الرسمية للمتحدث العسكري للقوات المسلحة، على موقع التواصل الاجتماعي فيسبوك، مقطع "فيديو" من أرشيف الجبهة فيلم "صائد الدبابات".

يوم 6 أكتوبر

يبدأ المتحدث في الفيديو بالقول: اليوم ده كان له ذكرى عظيمة عندي كان يوم عيد ميلادي وكنا على الشاطئ الغربي لقناة السويس قبل العبور فكنا قاعدين أنا وعبد العاطى والخولي فقاعدين نتكلم ونقول ياريتنا كنا نعبر النهارده كان يبقى ده أسعد يوم في حياتي بعد كده فوجئنا الساعة 2 أن جلنا الأوامر بعبور قناة السويس واقتحام خط برليف في اليوم ده قولت لعبد العاطي أنا عايز نعمل عيد ميلادي فقالي هنعملك عيد ميلادك في البر الشرقي لقناة السويس قولتله كده أنا عايز ننعشع العشرين شمعة قالي إن شاء الله أنا شايل لك عشرين دبابة بدل عشرين شمعة والحمد لله إن هو أشعلي 23 دبابه بدل الـ 20 شمعة أكتر من سنى بـ3 سنوات.

في يوم 8 أكتوبر كانت أول معارك بالنسبة لي في اليوم ده كنا أحنا موجودين في منطقه في الخلف على بعد 5 كيلومترات من القنال تحركنا في مكان اللى هو المكان ده "واطي" نعمل فيه كمين لصد هجمات العدو المدرعة المضادة في المكان كان المكان اللي دمرت فيه أول دبابة من 23 اللي دمرتهم في خلال حوالى نص ساعة كان المكان ده "واطى" وكنا يعنى مكان بالنسبة للموقع حاكم فهاجم أول دبابة ضربتها هاجم من المكان ده أربع دبابات ضرب فيها "بيومى" اتنين وانا ضربت اتنين  في المكان اللي هو في اتجاه الشرق هاجم بردوا دبابات أخرى فدمرت دبابات في اللحظة دي كان العدو بيدفع دبابات، فكل ما يدفع دبابات تتدمر ففي الوقت ده كان موجود معايا المقاتل الخولى.

 كان كمساعد في الصواريخ بعد تدمير الـ 9 دبابات اللي دمرهم المقاتل عبد العاطي في الوقت ده ظهر لنا حوالي 30 فردًا من دبابات العدو المدمرة جايين مهاجمنا وبعدين لقيت نفسي ولقيت شيء شدني كدا خدت رشاش واحد زميلي وجريت تقدمت ناحيتهم وصديت الهجوم بتاع الأفراد "دهيت".

 وفى اليوم ده دمر المقاتل "بيومى" 4 دبابات من 18 دبابة اللي دمرهم على طول مدة القتال. اتعرفت في حرب أكتوبر باسم عبد العاطى واسمي بالكامل محمد عبدالعاطى عطية شرف اتولدت سنة 50 في شهر 11 في قرية اسمها شيبة القش مركز منيا القمح محافظة الشرقية.

والدي الله يرحمه كان فلاح بسيط زي أهل القرية ولما ما كنت في سنة تالته ابتدائي أتولى أخويا الكبير عبد الحميد تربيتى لحد ما كملت تعليمى وغير عبد الحميد في كمان عطية وأختين متزوجين وانا بالنسبة لهم آخر العنقود القرية دي تبعد عن منيا القمح حوالي 7 كيلو مترات فيها مدرسة ابتدائي أخدت منها القبول، وبعدها انتقلت لمنيا القمح واتعلمت في منيا القمح لحد ما أخدت الدبلوم الزراعي الثانوية سنة 69.