مليون جنيه من ريهام حجاج لمكافحة كورونا
محمد إسماعيل
أكدت الممثلة ريهام حجاج، دعمها لوزارة الصحة بمبلغ مليون جنيه لمواجهة فيروس كورونا المستجد.
ربما يعجبك
وقالت حجاج: "مكنتش حابة أتكلم في الموضوع دا، محدش كان يتخيل أصلا، وللأسف احنا في كارثة عالمية والمرحلة اللي بنمر بيها دلوقتي شوفنا دول تانية بتمر بيها، منها اللي التزم وقعد في البيت وعدى المرحلة زي الصين ودي كانت تجربة ناجحة جدا، ومنها اللي استهتر وأنا زعلانة جدا على إيطاليا، وأنا مش عايزة أشوف دا في مصر ومن فضلكم التزموا في البيوت عشان نحاصر المرض".
وأضافت ريهام: "والناس اللي بتنزل عشان أكل عيشها هرد عليكو أقولكم ان دا واجبنا الاجتماعي، أي حد قادر لازم يساعد، لأن في الأزمة دي مفيش فرق بين بني آدم والتاني في حاجة واحدة بس الضمير والرحمة، لازم نبقى عندنا ضمير ومنخرجش من البيت".
وتابعت حجاج: "لقاء الخميسي تحدتني في حملة الخير وأنا قبلت التحدي وهتبرع بمليون جنيه لوزارة الصحة المصرية وبتحدى محمد حلاوة وتامر مرسي ونيللي كريم وخالد النبوي".
واستكملت: "سأتابع كل الرسائل التي تصل إلي على إنستجرام، وبالتأكيد سأستطيع مساعدة بعض الناس الذين يستحقون المساعدة مثل أدوية معينة أو احتياجات المنزل أو أموال".
يأتي ذلك بعد أيام من إعلان ريهام حجاج لأول مرة خبر حملها من زوجها رجل الأعمال محمد حلاوة.
جوجل نيوز
