شيرين تنعي الحوفي: "عاش بطل ومات بطل"

نعت المطربة شيرين عبدالوهاب، ببالغ الحزن والأسى الشهيد المقدم محمد فوزي الحوفي، الذي استشهد أثناء قيامه بواجبه إثر تبادل إطلاق نار بين قوات الأمن ومجموعة إرهابية بمنطقة الأميرية.

وثمنت شيرين عبدالوهاب الدور البطولى للحويفي، بقولها: "حزينة من كل قلبي على خبر وفاة الشهيد محمد الحوفي امبارح.. بعزي أهله وزملائه وربنا يصبرهم ويطبطب على قلبهم في شدتهم.. عاش بطل ومات بطل. ربنا يرحمه برحمته الواسعة".

وفي سياق آخر، يبدو أن هناك أشياء إيجابية جلبها فيروس كورونا، خاصة إلى شيرين عبدالوهاب، التي أدركت أنه وفي هذه الأوقات الصعبة جلب لها الفيروس فوائد غير مباشرة.

واستغلت شيرين الحياة المنزلية للشعور بالتقرب إلى الأهل، وجعلها الفيروس أكثر قربًا إلى الله، إذ قالت شيرين: إنها بدأت الالتزام بالصلاة بشكل منتظم، وأن هذه الحكمة من وراء أزمة كورونا.

وتابعت شيرين بقولها: "أنا بشكر الظروف اللي إحنا فيها بالرغم من قسوتها عشان نقعد في البيت ونقرب من أهالينا ونشوف ولادنا. أنا مبحبش أتكلم عن صلاتي عشان دي حاجة بيني وبين ربنا بس أنا حاسة إن الناس اتغيرت، الحاجة الحلوة اللي فيهم ابتدت تطلع وأولهم أنا".

وأضافت عبد الوهاب: "زمان كنت بقول الآيات وأنا مش بركز فيها دلوقتي وأنا بركز في الآيات لآخرها بحس إن ربنا بيشفني وبيداوي كل حاجة حاسة بيها، أنا بقول ده ومش خايفة من التعليقات اللي هتيجي". 

واستكملت شيرين، قائلة: "أنا نفسي كله يحس الإحساس اللي كنت حاساه وأنا بصلي صلاة المغرب والسنة، متعة تانية أحلى من أي سفرية أو أي سهرة. ربنا يثبتنا ويعدينا من اللي إحنا فيه ويارب ما نتغيرش ونفتكر اللي إحنا فيه دلوقتي ده".