أسباب تجعل فيلم ديدو الأقرب لقلب كريم فهمي
محمد إسماعيل
كشف الفنان كريم فهمي عن موعد عرض فيلمه الجديد "ديدو"، بنهاية شهر رمضان الجاري للمنافسة في موسم أفلام عيد الفطر.
ربما يعجبك
ورأى كريم فهمي أن فيلمه الجديد "ديدو"، هو الأقرب لقلبه، وعدد الأسباب وراء ذلك، فقال: "اسباب تخلي ديدو الاقرب لقلبي مع حبي لجميع الافلام اللي كتبتها"، وأضاف بقوله: "لما توتا ( محمد أحمد السبكي) قال لي من ثلاث سنين تعالي نعمل فكرة عقلة الاصبع في الاول رفضت لاكتر من سبب اولهم ازاي هقدر ابعد عن كل الافلام الكتير اوي اللي اتعملت بالتيمة ديه من زمان لحد دلوقتي".
وتابع كريم فهمي: "ثانيهم ازاي احنا في مصر هنقدر نجاري الناس ديه في الجرافيكس وهو احد اهم عوامل الفيلم لحد ما جاتلي قصة جديدة للتيمة وده اللي شجعني اشتغل عليها سنة تقريبا قصة وسيناريو وحوار وكان اتفاقي مع السبكية اني اسيب خيالي يشتغل للآخر وان شاء الله كله هيتنفذ وكانوا فعلا عند وعدهم واكتر ومبخلوش على الفيلم ماديا او بالمجهود".
وأضاف كريم فهمي: "وتاني حاجة شجعتني اني نفسي اعمل فيلم للأطفال والكبار مع بعض ويبسط كل الاعمار، الفيلم ده رحلة ثلاث سنين صناعة مع صديقي واخويا المخرج عمرو صلاح اللي تعب جدا في فيلم صعب علي اي مخرج ولكنه كان قدها وقدود وقاد المركب كما قال الكتاب وطبعا كريم السبكي اللي مهما اتكلمت عليه مش هوفيه حقه في الفيلم ده (منتج فاهم اوي بقى) وعم احمد السبكي اللي اتحمس للخطوة الجريئة جدا ديه وصبر علينا السنين ديه كلها".
وأنهى كريم فهمي حديثه قائلا: "شكرا كل صناع هذا العمل وشكرا شركة mercury ياسر النجار القائمين على الجرافيكس وهي شركة مصرية، اوعدكم هتتفرجوا على حاجة مختلفة وأتمنى انه يعجبكم".
يذكر أن فيلم "ديدو" من تأليف كريم فهمي، إنتاج أحمد السبكي، إخراج عمرو صلاح، وبطولة كريم فهمي، أحمد فتحي، حمدي المرغني، بيومي فؤاد، محمد ثروت وهدى المفتي.
جوجل نيوز
