رسالة فتاة انتحرت بحبة الغلة بالدقهلية: كنت محتاجة حد يطبطب عليا

لقيت فتاة مصرعها بعدما أقدمت على التخلص من حياتها، وتناولت حبة الغلة السامة، تم نقل الجثة لمشرحة المستشفى وتولت النيابة التحقيق. 

وكان مدير أمن الدقهلية، قد تلقى إخطارًا من مدير المباحث الجنائية، يفيد بورود بلاغ لمأمور مركز شرطة بلقاس، بانتحار فتاة بحبة الغلة السامة، بقرية بحر العش التابعة لدائرة المركز.

وانتقل ضباط مباحث المركز لمكان البلاغ، وبالفحص تبين مصرع رنا ج.ش. طالبة جامعية، وذلك بعد تناولها حبة الغلة لمرورها بأزمة نفسية نتيجة خلافات عائلية.

وتم نقل الجثة لمشرحة المستشفى، وتحرر عن الواقعة المحضر اللازم، والعرض على النيابة العامة لمباشرة التحقيقات.

وتركت الفتاة عبر صفحتها على موقع التواصل الاجتماعي "فيس بوك"، رسالة قبل وفاتها قالت فيها: أنا حزينة حزينة أوي إني وصلت للمرحلة دي، وأنا بكتب الرسالة دي مش شايفة من كتر الدموع اللي بتنزل من قلبي مش عيني، أنا تعبت تعبت أوي واستحملت كتير أوي بس أنا إنسانة عندي طاقة مش قادرة استحمل كل ده لوحدي، أنا بس كنت محتاجة حد يطبطب عليه وياخدني في حضنه أنا عمري ما حسيت بحنية أم ولا أب ولا اخوات ولا اصحاب، انا عايشة لوحدي حرفيًا رغم وجود الناس دي حوليا انا لوحدي والوحدة وحشة أوي ومُتعبة أوي، أنا اتهلكت وتأذيت واتخذلت من اقرب ناس ليا وفي الاخر يتقالي معلش، محدش يكلف نفسه يفكر فيا ولا يفكر في إحساسي، أعيش ليه، أعيش لمين، انا ف الوقت ده كنت عاوزه بس اللي يحسسني اني استاهل أتحب وأن حد يفضل معايا عشاني عشان بيحبني.

وأضافت في رسالتها: أنا حاربت الناس كلها علشان ابقي كويسة وكل محاولاتي فشلت، اتاكدوا اني موصلتش لهنا بسهولة كده لا والله انا عافرت عشان موصلش بس للاسف الحزن كان أقوى مني أتمنى ربنا يسامحني ويحاسبني على تعبي وقلة حيلتي مش على عدم إيماني به، حاجة أخيرًا أنا كنت لوحدي ودلوقتي لوحدي فأتمنى محدش من أهلي يحضر جنازتي لأني ماشية زعلانة.. زعلانة منهم كلهم ومش مسامحة في حق نفسي ابداً، ادعولي بالرحمة افتكرونى بالخير وأتمنى متنسيش زي ما كنت منسيه وقولوا للشخص اللي ختم نهاية حياتي انه كان أملي الوحيد وللاسف خذلني، عرفوه إني كنت بحبه عرفوه اني خلاص فارقت الدنيا دي وانا حزينة وزعلانة على نفسي، هيعرف بالصدفة أني مت زيه زي ناس كتير اوي كانت فحياتي حفلة تخرجي بعد بكرة هي مش حفلة تخرجي من الكلية بس ومن الحيااة كلها، ادعولي ربنا يسامحني ومحدش يقولي ماتت كافرة لأن الكُفر هو اني افضل عايشة مأذية ومنسية ووحيدة.