أحمد عيد: مش محتاج ماديا وكلامي بيتحور

نفى الممثل أحمد عيد ما تم تداوله على لسانه خلال تواجده في حفل "جوي أووردز" في الرياض، بأنه يشتكي من الظلم وقلة الأعمال الفنية.

وقال أحمد عيد في منشور عبر فيسبوك: "لقيت تصريح متاخد من سياقه من كلام كان بيتقال بهزار، أنا حابب أوضح إني مقصدش اشتكي ولا أبان عندي مظلومية، أنا الحمد لله بيتعرض عليا شغل كتير، بس أنا مش عايز اشتغل غير اللي شايفه كويس احتراما لنفسي وللجمهور، مش فارق معايا أشتغل أصلا أو مشتغلش".

وتابع عيد: "المهم أعمل اللي أنا مقتنع بيه وماديا مش محتاج ولا عندي مشكلة الحمد لله، وكلامى بيتحور أحيانا عشان أبان بشتكي أو مظلوم ليه مش عارف"، مضيفا: "بالنسبة للأخ اللي عمل تعليق على الصورة بيقولي مالك يا أستاذ أحمد عينك فيها حزن ليه وسايب دقنك وشنبك.. عايز أقوله أن بس ده "راكو" عشان بصور حاليا، وبجد بشكركم كلكم على رسائل وبوستات الدعم".

وعلى الصعيد الفني، عاد أحمد عيد من الرياض لاستكمال تصوير مشاهده في مسلسل "عملة نادرة"، الذي يخوض به موسم دراما رمضان المقبل، ويشاركه البطولة الفنانة نيللي كريم، وهو من تأليف مدحت العدل، وإخراج ماندو العدل، وإنتاج جمال العدل.