أحمد عز لـ"زينة": "أنا متجوزتهاش لا رسمي ولا عرفي"

كتب - هبة جلال

نشر الفنان أحمد عز عبر صفحته على موقع التواصل "فيسبوك" منشورا قال به "راضي باللي ربنا كاتبهولي كله، أنا كمان مش راضي أنا سعيد بالابتلاء اللي انا فيه عشان واثق في ربنا وفي نصره إن عاجلا أو اجلا، وإن اللي انا فيه ده ما هو الا رفع درجات باذن الله".

وأضاف: "طبعا انا لا اعلق على احكام القضاء ومش هاطلع اعمل دوشة ولا اتكلم عشان انا سايب حقي على ربنا العادل الحق واللي بقوله دلوقتي هو اللي بقوله من أول يوم القضية وهفضل اقوله لاخر عمرى.

وأشهد الله على كلامي أقسم بالله العلي العظيم إني ماتجوزتهاش ولا رسمي ولا عرفي ولا شفهي ولا ثانية، وان شاللا يكون معاها 100حكم و100شهادة ميلاد برضه مش ولادي".

يذكر أن الفنانة زينة بعد صدور حكم المحكمة لصالحها، بإثبات نسب توءمها من الفنان أحمد عز رفعت قضية خلع ضده، وجاء ذلك بعد رفض عز الاعتراف بالأطفال أو مبدأ الإنجاب منها، ممتنعا عن تولي المصروفات الخاصة بهما، لتكسب زينة القضية بعد تداولها بالمحاكم.