مرتضى يهاجم طارق حامد: "الزمالك علمك تسرح شعرك"

كتب - محمد عماد

هاجم مرتضى منصور رئيس نادي الزمالك، طارق حامد، لاعب وسط الفريق الأول لكرة القدم، بعدما تخلف عن حضور الاجتماع الذي كان مقررا له في الساعات الأولى من صباح اليوم الخميس؛ من أجل تجديد تعاقده.

وقال مرتضى منصور: "إحنا مش بنحترمك يا طارق ومش عاوزينك ومالكش فلوس عندنا في الزمالك".

واصل: "طارق حامد طلب من الزمالك الحصول على 20 مليون جنيه للتجديد مع الزمالك، ليه جايبلي كأس العالم وأنت جاي".

أضاف: "يا جماهير نادي الزمالك طارق حامد طماع ومبتز، وهو خلاص مش معانا ولو مركز شباب بشالوش عايزه ييجي ياخده".

تابع حديثه المهاجم لطارق حامد: "الزمالك نضفك وعرفك تسرح شعرك بالسشوار ولبسك جزمة، الزمالك جابلك شقة في مدينة نصر وجابلك عربية متحلمش تركبها".

أوضح: "لا وجود له في الزمالك من اليوم، واللاعب الثاني اللي قعد مع الأهلي مش عاوزه وقيده في قائمة الانتظار (إشارة إلى أحمد الشناوي)، وكهربا مستمر وأنا مش بتعامل مع أبوه أو أمه أنا بتعامل مع عقود".

وختم: احنا زهقنا وقرفنا، وهنتطهر النادي من الأشكال دي وأنت لو عندك دم يا طارق شوفلك نادي تاني الجماهير مش طايقينك والمسرحية انتهت (انتهى الدرس يا غبي).