بعد ضربها.. شاهيناز ضياء الدين تعلن خبر سار للجمهور
كتب - محمد اسماعيل
طمأنت المطربة المصرية شاهيناز ضياء، جمهورها بشأن عودة نجلها إليها، بعدما كانت قد قالت إن زوجها يمنعها من رؤيته.
ونشرت ضياء، صورة لها برفقة نجلها عبر حسابها بموقع إنستجرام، وأرفقتها بتعليق قالت فيه: "الحمد لله ابني مالك رجع لحضني تاني، أكيد كلكم فاهمين يعني إيه ابن يكون بعيد عن حضن أمه ربنا يخليلكم ولادكم ويفضلوا في حضنكم طول العمر، عايزة أشكر واحد واحد وقف جنبي في مشكلتي والمحنة اللي أنا فيها، وعايزة أقول إن محبة الناس دي نعمة كبيرة ربنا يديمها علينا".
وأضافت نجمة الموسم الخامس برنامج ستار أكاديمي: "وعايزة أقول إن المحنة دي عرفتني حاجات كتييير ومين الصحاب اللي بجد ومين الناس اللي عرفتها على حقيقتها وإن شاء الله أنا مؤمنة إن ربنا حينصرني ويجيبلي حقي ربنا يخليكم ليا يا أحلى ناس في الدنيا".
نذكر أن شاهيناز ضياء خرجت منذ أيام ووجها ملطخا بالدماء لتحكي تفاصيل تعرضها للضرب والاعتداء المبرح من قبل زوجها، قائلة عبر "فيسبوك": "حسبي الله ونعم الوكيل فيك يا إيهاب يا ابن باهرة، ضربني وبهدلني أنا وأمي ومش عايز يديني ابني ليا ربنا يجيبلي حقي".
وبعدها دخلت المطربة المصرية في نوبة من البكاء خلال حديثها مع أحد البرامج التليفزيونية عند نجلها، وهي تقول "حتى الآن مش عارفة أشوف ابني لأنه مع والده، أرجوك يا أستاذ عمرو محتاجة أشوف ابني، وأسمع صوته ويرجع لحضني مرة أخرى".