الرئيس السيسي من كاتدرائية ميلاد المسيح: "طول ما إحنا متحدين ماحدش يقدر علينا"
طالب الرئيس عبد الفتاح السيسي - خلال كلمته في كاتدرائية ميلاد المسيح بالعاصمة الإدارية - المصريين بأن يتحدوا جميعا، قائلا: "الموضوع الأول إن إحنا لازم دائما مخليين بالنا من علاقتنا ببعضنا، حبوا بعض، حبوا بعضكم، مش بقول الكلام لحد بعينه، البلد دي بلدنا كلنا، مفيش حد ليه فيها زيادة ولا نقص، كلنا زي بعض، دايما نخلي بالنا وأي محاولة للفتنة، إن إحنا مع بعض، وطالما إحنا مع بعض ما حدش يقدر يعمل فينا حاجة.
وإنتو شايفين حوالينا عاملة إزاي، كان ممكن يبقى حالنا كده، أيوه، ولازم نخلي بالنا من بلدنا، والشعب إيد واحدة، ماحدش يقدر يعمل معانا أو فينا حاجة أو يجررنا هنا أو هنا، وقادرين إن ربنا يلهمنا الثقة والبصيرة وفاهمين وشايفين الإجراء اللي نقدر نعمله".
وأضاف الرئيس: "نتعامل بشرف في زمن مفيهوش شرف، واسمحلي يا قداسة البابا بتهنئتك".
وأهدي الرئيس عبد الفتاح السيسي البابا تواضروس باقة ورد، وعقَّب الرئيس قائلا: "أرجو أن تصل هذه الورود لكل المصريين".