بسبب روج هنا.. تراشق لفظي بين القرموطي وفهمي

تبادل الإعلامي جابر القرموطي، والفنان أحمد فهمي، التراشق بالألفاظ، بعد أن علق "القرموطي"، على صور منشورة لأحمد فهمي يظهر فيها مكتوب على وجهه بـ"قلم روج". 

وقال جابر القرموطي: "ليه بس ياهنا ياحبيتي تعملي كده، طب حد من الإعداد يا أخوانا يطمنا حالة النجم أيه وهل ده هايأثر على دوره في المستقبل ولا لأ". 

وتابع القرموطي تعليقه: "مش عارف الحقيقة الهزار اللي بيقلب بجد ده أخرته ايه، طب حد يشوفلنا نوع الروج المستخدم ايه، أرض أرض والا روج مسيل للدموع، الراجل وشه باظ لاحول ولا قوة إلا بالله، حد يطمنا ياجماعة على الفنان أحمد فهمي أخباره أيه". 

وفي أعقاب ذلك فوجئ جابر القرموطي بأن الفنان أحمد فهمي يرد عليه في مداخلة قائلا: " أنا كويس ياجابر".  فيرد جابر مناديًا زملاءه في الإعداد " انتوا طلبتوه بجد ياجماعة ولا ايه". 

جابر القرموطي رد على مداخلة "فهمي" قائلا: "أهلا يافنان". 

أحمد فهمي قال في مداخلته للقرموطي: "أنا كويس قدر الله وما شاء فعل، عايزينك بس إنت ترحمنا من الإفيهات شوية عشان انت لذيذ قوي وكده ممكن نموت من الضحك، أهدى على نفسك شوية اهدى ياجابر" 

ومن جانبه رد "القرموطي" على فهمي : "حاضر يافنان" .

كان الفنان أحمد فهمي قد كتب على حسابه على "الإنستجرام": "صحيت من النوم لقيت مكتوب على وشى كدا بالروج... ربنا يسامحك ياهنا"

كانت الفنانة هنا الزاهد زوجة الفنان أحمد فهمي، قد كتبت على وجه زوجها بـ”الروج” (i love you).