تامر حسني يروي موقف صادم له بشأن كورونا

أبدى المطرب تامر حسني استيائه من تصرفات بعض الأشخاص التي وصفه بـ"المستهترة" بشأن أزمة فيروس كورونا، وذلك بعد موقف صادفه في الشارع وأثار غضبه.

وسرد تامر حسني ما رآه في منشور عبر حسابه بموقع فيسبوك، قائلا: "أنا شُفت موقف قدامي صدمني مش قادر محكيهوش، شوفت واحد بيقول لصاحبه: ياد شيل الماسك واسترجل"، مضيفا: "طب هو عشان في وجهة نظر حضرتك يسترجل يتسبب في موته وموتك وضرر كل من حوله".

وتابع تامر بقوله: "عشان كدا كلنا لازم نتكلم كتير مع كل الناس، ولو النزول للضرورة القصوى عشان طبيعة شغل الناس اللي باليومية فنلتزم بكامل تعليمات الوقاية.. أرجوكم اتكلموا كتير مع الناس عشان نوعي أي حد مش حاسس بالخطورة، وأن نقعد في البيت 14 يوما من أجل أن نسيطر على انتشار الفيروس، وميتحولش إلى وباء"، مشيرا إلى أن الصين تغلبت على الفيروس بعد الالتزم بعدم النزول إلى الشاارع.

وأضاف تامر حسني: "إذا كان هناك عمال يعملون باليومية، لازم توصل لهم يومياتهم لحد عندهم من باب الرحمة عشان ربنا يرحمنا وأنا بدأت بنفسي وعملت كدا وأكتر من كدا". وأردف حديثه: "يا جماعة ده إن شاء الله اختبار من ربنا وهننجح فيه لو اتعاملنا معاه صح وبمنتهى الرحمة، والتعب وارد يحصل لأي حد فينا وهيخف إن شاء الله زي ما آلاف خفوا، وخفوا من أمراض أكتر من كدا بمليون مرة، وده مش أول وباء عالمي يمر على البشر و غيرنا مر بأكتر منه".

 يأتي ذلك بعد إلغاء تامر حسني جميع حفلاته في مصر خلال شهري مارس وإبريل، وكذل أعلن تأجيل حفله الغنائي الذي كان من المقرر إحياؤه بتاريخ 4 إبريل المقبل، في لندن.