فادي نجاح: مجال كرة القدم مليء بالنفاق

وجه فادي نجاح، مدافع المقاولون العرب، رسالة للمسؤولين عن كرة القدم في مصر بعد الحرب الكلامية، التي نشبت بينهم معبرًا عن استيائه من ذلك وواصفًا المجال الكروي في مصر بـ"الأسوأ".

ونشر اللاعب عبر حسابه الشخصي على موقع التواصل الاجتماعي "تويتر"قائلًا:" "والله كل يوم الواحد بيتأكد إن مجال كرة القدم هو من أسوأ المجالات اللي ممكن حد يشتغل فيها، مجال مليء بالنفاق و الرياء والمكايد و قله الأصل وقلة الأدب، إلا ما رحم ربي!".

وأضاف: "لولا إن مفيش شغل غيره حاليًا نعرفه وشغل نتيجة سنين تعب وربنا باعته لنا كرزق أكيد كان الوضع هيختلف".

وأكمل: "كل يوم سب وقذف ولعن و شتائم وقلة أدب، الواحد زهق من اللي بيسمعه كل يوم في القنوات والصفحات والسوشيال ميديا".

واختتم حديثه بالقول: "ناس عايشين في عالم موازى مفيش أي مسؤولية للكلمة اللي بتطلع منهم، ولا إحساس بظروف البلد والناس ولحالة الوباء اللي بنعيش فيه".